Бисмиллаҳир Роҳманир Роҳийм.
Аллаҳ таалаға ҳамду мақтаўлар болсын.
Пайғамбарымызға салаўату дурудлар болсын.
Мүбәрек ҳаж сапарына таярлық көрип атырған адамға ҳаж китапларында төмендеги көрсетпелер бериледи:
1. Ҳаж сапарына атланыўшы адам өзинен кеўли ренжиген адамлардың кеўилин алыўы, оларды разы етиўи зәрүр;
2. Адамлар менен мәмилени туўырлаўы;
3. Қандайда бир адамға зулым еткен болса, одан кеширим сораўы;
4. Қандайда бир адамның ҳақын нахақ жеп қойған болса, оны өзине ямаса мийрасхорларына қайтарып бериўи;
5. Барлық еткен гүнаҳларына ықлас пенен тәўбе етиўи;
6. Ата-анасын разы етип сапар етиўи;
7. Бала-шағаларын қәтержам етип сапар етиўи;
8. Қарызларын өтеп сапарға шығыўы;
9. Салиҳ адамлар менен сапар етиўи;
10. Ҳаждың парыз ҳәм ўәжип мәселелерин жақсылап үйрениўи;
11. Өзи менен Ҳаж китабын алыўы;
12. Сапарға саўда мақсетлерин араластырмай, қалыс ибадат мақсетинде сапар етиўи;
13. Жүзекилик ҳәм даңқпаразлықтан өзин жырақ тутыўы;
14. Сапар даўамында өзин мѳмин ҳәм мүсәпир тутыўы;
15. Зәрүрли затларды сатып алыў ўақтында сатыўшы менен ҳәдден зыят тартыспаў;
16. Ҳаж сапары даўамында пул жумсаўда сықмарлық етпеў;
17. Шериклерине сарп-ғәрежет етиў туўры келип қалса, қанаатланыўшылық пенен оларға сарп-қәрежет етиўи;
18. Үйден шығып атырған ўақытта садақа бериў;
19. Сапар даўамында мүтәж адамларға сарп етемен деп өзи менен артықша ақша алыўы;
20. Еки рәкат намаз оқып жолға шығыўы;
21. Үйден шығып атырған ўақытта адамлар менен қол берип кѳрисип, олардан ҳаққына дуўа етип турыўын сораныўы;
22. Басқалардың да ҳаж етиўге кетип атырған адамнан пәтия бериўин сораўы;
23. Гүзетиўши де, сапарға кететуғын да өз дуўаларын оқыўы;
24. Сапар дуўасын оқыўы;
25. Сапар даўамында қай жерге түссе, сол орында еки рәкат намаз оқып алыўы (мустаҳаб);
26. Сапар даўамында Аллаҳ тааланың зикрин етип, ата-анасы, перзентлери ҳәм барлық мусылманлар ҳаққына дуўа етиўи;
27. Сапар даўамында тартысыў, бақырысыў ҳәм кеўилге тийиў усаған затлардан сақланыўы;
28. Ҳәммеге мүләйимлик пенен, киши пийил болыўы;
29. Бес ўақыт намазды мүмкиншилиги барынша жәмаат пенен оқыўы;
30. Намазларды ўақытында оқыўы;
31. Сүннет әмеллерди илажы барынша тәрк етпеўи.
Шайық Муҳаммад Садық Муҳаммад Йусуф
(Мўминнинг умр сафари китабынан).
Islam.uz сайтынан Шоманай районы «Сапар ата» мешити имам-найыбы Амедов Саламатдин таярлады.