Расулуллаҳ алайҳиссаламның көриниси қандай еди?

Жәбир ибн Самра разыяллаҳу анҳудан рәўият қылынады: Мен бир айдын кешеде Расулуллаҳ саллаллаҳу алайҳи ўа салламды көрдим, үстинде қызыл кийим бар еди. Мен ара-арада Расулуллаҳға қарадым. Қайта-қайта қарай берип соны билдим, Расулуллаҳ саллаллаҳу алайҳи ўа саллам шырайда ҳәм нурда айдан зыяда ҳәм артық еди.

Ҳәзрети Әлий ибн Әбиў Талиб разыяллаҳу анҳудан рәўият қылынады: Расулуллаҳ саллаллаҳу алайҳи ўа саллам бойы узын да емес, келте де емес адам еди. Еки алақаны ҳәм еки қәдеми толы ҳәм гөшли еди. Мүбәрек басы үлкен ҳәм ағзаларының буўынлары, сүйеклериниң еки қосылған жери жуўан еди. Көкрегинен киндигине шекем узын ҳәм жиңишке түклери бар еди. Егер жүрсе, тап бәлентликтен пәсликке түсип баратырғанға уқсап жүретуғын еди. Мен Расулуллаҳ саллаллаҳу алайҳи ўа салламнан алдын да, кейин де, оған уқсаған ҳеш бир адамды көрмедим.

«Paziyletuz» телеграмм каналынан.
  • 795 мәрте оқылды

Paziylet.uzҚарақалпақстан мусылманлары қазыяты веб-сайты