ШҮКИРШИЛИК ЕТИЎ – УЛЛЫ ПАЗИЙЛЕТ

Уламалармыздиң республикамыз бойлап сапарлары даўам етпекте. Бүгин күн даўамындауламаларымыз Қарақалпақстан Республикасы қала ҳǝм районларын мешитлеринде жǝмǝǝт пенен ушырасып диний-мǝрипий темаларда сǝўбетлесиўлер ѳткермекте.

Ташкент қаласы бас имам-хатиби орынбасары Абдуқаҳҳор дамла Юнусов Тахиятас районындағы “Сары ийшан” жоме мешитине барып, пешин намазынан кейин “Шүкиршилик етиў - уллы пазийлет” темасында баянат етип берди.

Ҳақыйқатында, бенделерин бǝрҳǝма ҳǝм ҳǝр қашан шүкир етиўге буйырған Аллаҳ таала, биринши нǝўбетте, Ѳзин шүкирди қабыл етиўши деп атады: «Егер шүкир қылсаңыз ҳәм ийман келтирсеңиз, Аллаҳ сизлерди азаплап не қылады?! Аллаҳ – шүкирлерди қабыл етиўши, Билиўши» (Ниса сүреси, 147-аят).

Тийкарынан, биз қанша шүкир қылсақ та кем. Себеби, Рǝббимиз берген нематлардың шүкирин толық ѳтей алмаймыз.

Бишр Хофий рахметуллаҳи алайҳ айтады : «Ағзаларынан тек тили менен шүкир еткен адамның шүкири ноқис болады. Себеби, кѳздиң шүкири қандайда бир жақсылық кѳргенде оған қараў, жаманлықты кѳргенде, кѳзди жумыў. Қулақтың шүкири жақсылықты еситкенде ядлап қалыў, жаманлықты болса умытыў. Қолдың шүкири жаман затларды усламаў. Асқазан (қарын) ның шүкири ҳадал затлар менен азықланыў, ақыл ҳǝм кеўилдиң шүкири болса илим менен зийнетлениў. Аяқлардың шүкири болса жақсылықтан басқа жолда жүрмеў. Ким мине усыларды атқарса, ҳақыйқый шүкир етиўшилерден болады».

Сǝўбетлесиў сораў-жуўапларға жалғанып кетти.

Сапар даўам етпекте.

  • 428 мәрте оқылды

Paziylet.uzҚарақалпақстан мусылманлары қазыяты веб-сайты