Умра зыяраты ушын рәсмий қарар дағаза етилмеген

Соңғы күнлерде интернет сайтлары ҳәм социаллық тармақлар арқалы «Умра зыяраты ушын талаплар дағаза етилди» ямаса «10-августтан шет еллилерге Умра зыяратына рухсат бериледи» мазмунындағы хабарлар тарқалып атыр.

Алдын хабар берилгени сыяқлы, ҳәзирде Саудия Арабстанында коронавирус пандемиясы себепли қатаң карантин шеклеўлери енгизилген.

Сол орында, Умра зыяраты илажлары бойынша жаңалықлар ҳәм де шѳлкемлестирилген жумыслар мәселесинде Дин ислери бойынша комитет ҳәм Ѳзбекстан мусылманлары басқармасы Саудия Арабстаны рәсмийлери ҳәм де Ҳаж ҳәм Умра зыяраты жумыслары бойынша Атташе менен үзликсиз байланыс орнатқан.

Соннан келип шығып, тѳмендегилерди мәлим етемиз:

Ҳәзирги ўақытта Саудия Арабстаны ҳүкиметиниң барлық ҳәрекетлери коронавирус инфекциясының тарқалыўының алдын алыў ҳәм оған қарсы гүресиўге қаратылған. Атап айтқанда, усы күнге шекем мәмлекеттиң 25 млн халқы коронавирусқа қарсы емленген болып, бул жумыслар даўам етпекте.

Ҳаж-2021 мәўсими таўсылғаны себепли Умра зыяраты Саудия Арабстаны пуқаралары ҳәм ол жерде жасаўшы зыяратшылар ушын карантин талаплары тийкарында қайта ашылған.

Еслетип ѳтемиз, Умра иләжларында шет элден зыяратшыларды қабыллаў бойынша Саудия Арабстаны ҳүкимети тәрепинен ҳәзирге шекем рәсмий қарар дағаза етпеген.

Ҳүрметли жерлеслер!

Умра зыяраты менен байланыслы анық мағлыўматлар Дин ислери бойынша комитет ҳәм Ѳзбекстан мусылманлары басқармасының рәсмий веб-сайты ҳәм социаллық тармақлар арқалы дағазаланады.

@hajumrauz

  • 752 мәрте оқылды

Paziylet.uzҚарақалпақстан мусылманлары қазыяты веб-сайты