Қурбан Ҳайытын байрамлаў бойынша мағлыўмат берилди

Бүгин Халық аралық пресс-клубтың «Жаңа нызам анализи: тийкарғы ѳзгерис ҳǝм қосымшалар» темасында сессиясы болып ѳтти. Онда «Ҳүждан еркинлиги ҳǝм диний шѳлкемлер ҳаққында»ғы нызамның жаңа редакциясы талқыланды.

Спикер ретинде Олий Мажлис Сенаты ҳǝм Нызамшылық палатасы, Әдиллик министрлиги, Жоқары ҳǝм орта арнаўлы билимлендириў министирлиги, Халық билимлендириў министрлиги ҳǝм де диний шѳлкем ўǝкиллери қатнасты.

Халық аралық пресс-клуб баслығы Шерзод Қудратхўжа Ѳзбекстан мусылманлары басқармасы ўǝкилине мүрǝжǝǝт етип, 20-июль күни ѳткерилиўи күтилип атырған Қурбан Ҳайыты байрамының белгилениўи бойынша мағлыўмат бериўин сорады. Ѳзбекстан мусулманлары басқармасы баслығының биринши орынбасары Ҳомиджон Ишматбеков усы сораўға тоқталып, журтымызда Қурбан Ҳайытының ѳткерилиў сǝнеси ҳаққында сондай деди:

«Ѳзбекстан мусылманлары басқармасы Қурбан Ҳайытын 20-июль күни ѳткериў бойынша жуўмақ берди. Соған кѳре, журтымызда Ҳайыт байрамын ѳткериў бойынша таярлық жумыслары ǝмелге асырылып атыр» — деген Ҳ.Ишматбеков.

Ескертип ѳтемиз, Қурбан Ҳайытын белгилеў бойынша жуўмақлаўшы шешим Президент қарарына кѳре хабар бериледи.

Дерек: Islam.uz

  • 713 мәрте оқылды

Paziylet.uzҚарақалпақстан мусылманлары қазыяты веб-сайты