Уламалар сǝўбетинен кеўиллер шад болмақта

14-июнь күни Имам Бухарий атындағы Ташкент ислам институты аға оқытыўшысы Муҳаммад Аюбхон дамла Ҳомидов ҳǝм Ташкент қаласы “Шайх Муҳаммад Содиқ Муҳаммад Юсуф” мешити имам-хатиби Исмоил Муҳаммад Содиқ дамлалар Наманган ўǝлаятына сапары даўамында, Чуст районы “Мавлона Лутфуллоҳ” мешити ҳǝм “Катта боғ” мешити қǝўимлери, нураный атаханлар, кең халық ўǝкиллери ҳǝм меҳирге мүтǝж инсанлар менен ушырасты.

Дǝслеп, Имам Бухарий атындағы Ташкент ислам институты аға оқытыўшысы Муҳаммад Аюбхон дамла Ҳомидов бул райондағы "Мавлона Лутфуллоҳ" жоме мешити жǝмǝǝти менен намазлыгер (аср) намазын оқығаннан соң, жыйналғанларға журтымыздағы ибратлы ислер ҳаққында сыпатлама бериў менен бирге, бүгинги күнниң ǝҳимийетли темалары бойынша сѳз етти, қǝўимниң сораўларына жуўап берди. Мѳмин-мусылманлар ѳзлерин қыйнап киятырған сораўларына толық жуўаплар алғанларынан қанаатланды ҳǝм миннетдаршылықларын билдирди.

Соның менен бирге, Ташкент қаласы “Шайх Муҳаммад Содиқ Муҳаммад Юсуф” мешити имам-хатиби Исмоил Муҳаммад Содиқ дамла да диний-билимлендириў тараўында исленип атырған жумыслар, жаңалықлар ҳаққында мағлыўмат берип, бүгинги заманның ǝҳимийетли мǝселелери бойынша, атап айтқанда, жаслардың илим алыўы, китапқа муҳаббат қойыўы, ѳз кǝсибиниң устасы болып жетилисиўинде илимниң орны күтǝ ǝҳимийетли екенлиги ҳаққында баянат етти.

Сǝўбетлесиў жуўмағында уламалар Ҳақ тааладан журтымызға тынышлық, қǝтержамлық, пайыз-берекет ҳǝм денсаўлық сорап дуўалар етти.

Муҳаммад Айюбхон дамла Ҳомидов ҳǝм де Исмоил Муҳаммад Содиқ дамлалар Чуст районындағы мүтǝжлиги бар халық ўǝкиллери жағдайынан хабар алып, оларға "Вақф" фондының материаллық жǝрдем ақшасы ҳǝм азық-аўқат ѳнимлерин ҳǝм Ѳзбекстан мусылманлары басқармасы жанындағы "Шамсуддинхон Бабахонов" баспа полиграфия дѳретиўшилик үйинде баспадан шығарылған китапларды саўға ретинде тапсырды, дуўалар етти.

***

Ташкент қаласы “Камолиддин Ориф ал-Бухорий” мешити имам-хатиби Закариё дамла Хафизуллаев Чуст районы "Иброҳим Ҳалилуллоҳ" жоме мешитинде намазлыгер намазын оқығаннан соң, жыйналғанларға тынышлық ҳǝм шүкирлик, бүгинги күнде елимиздеги ибратлы ислер ҳаққында баянат етти, қǝўимниң сораўларына жуўап берди.

Кейин, райондағы социаллық кѳмекке мүтǝж, наўқас болған шаңарақларға “Вақф” қайырқомлық жǝмийетлик фондының Наманган ўǝлаяты филиалы тǝрепинен социаллық қорғаўға мүтǝжлер, наўқаслар жағдайындан хабар алынып, оларға азық-аўқат топламлары, диний-мǝрипий китаплар ҳǝм мүтǝжлигине қарай хожалық буйымлары берилип барылмақта.

Ѳзбекстан мусылманлары басқармасы Наманган ўǝлаяты ўǝкиллиги Баспасѳз хызмети

  • 1280 мәрте оқылды

Paziylet.uzҚарақалпақстан мусылманлары қазыяты веб-сайты