“Вақф” қайырқомлық жǝмаатлик фондына жаңа басшы тайынланды

19-ноябрь күни Ташкент қаласы Шайхантаҳур районы «Шайх Зайниддин» жоме мешити имам-хатиби Абдураҳмонов Яҳё Убайдулло улы «Вақф» қайырқомлық жәмаатлик фонды басқарыў кеңеси баслығы ўазыйпасына тайынланды. Бул ҳаққнда «Вақф» қайырқомлық жәмаатлик фонды Қәўендерлик кеңеси жыйналысында дағазаланды. Фондтың алдынғы басшысы Искандар Халилов басқа жумысқа өткерилди.

Абдураҳмонов Яҳё 1985-жылы Сырдǝрья ўәлаятында туўылған. 1999-2003-жылларда Бухара қаласындағы «Мир Араб» медресесин тамамлаған. 2004-2008-жылларда Ташкент ислам институтында тәлим алған. Сол дәўир аралығында Мыср Араб Республикасындағы «ал-Азҳар» университетинде илмий тәжрийбе асырған.

2009-2011-жылларда Өзбекстан миллий университетиниң Жоқары журналистика факулътетинде оқыған.

2004-2018-жылларда Ташкент қаласы Юнусабад районы «Гүлал қўрғон» жоме мешитинде имам-найыбы, имам-хатиби ўазыйпаларында мийнет еткен.

2018-жылда Ташкент қаласындағы районлар аралық қарыйлар жарысының жеңимпазы, қала бойынша 2-орын ийеси болған.

2018-жылда «Ең билимли имам» көрик таңлаўы Ташкент қаласы басқышы жеңимпазы, Республика басқышында болса 2-орынды ийелеген.

Әйне ўақытта Ташкент қаласы Шайхантаҳур районы бас имам-хатиби, бул райондағы «Шайх Зайниддин» жоме мешити имам-хатиби, Ташкент ислам институты «Тәжўид» пәни оқытыўшысы ҳәм Халық аралық ислам академиясының өзбетинше изертлеўшиси есапланады.

Яҳё дамла Абдураҳмоновқа бул жуўапкерли ўазыйпада Аллаҳ тааладан күш-қуўат ҳәм табыслар сораймыз.

Өзбекстан мусылманлары басқармасы Баспасөз хызмети.

  • 70 мәрте оқылды

Paziylet.uzҚарақалпақстан мусылманлары қазыяты веб-сайты