Үйи ѳртенген шаңараққа жǝрдем берилди

…Аллаҳ таала «Бақара» сүреси 271-аятында: “Садақаны ашықтан-ашық қылсаңыз, жүдә жақсы. Егер жасырын қылсаңыз ҳәм жарлыларға берсеңиз, бул өзлериңиз ушын (және де) жақсы ҳәм ол сизлерден гүналарыңызды жуўады. Аллаҳ ислеп атырған ислериңизден хабардар”, деп марҳамат етеди.

Садақа өз ийесин Шайтаннан жырақ, Рәббисине жақын ҳәм сүйикли етеди. Садақа себепли гүналар кешириледи, меҳир-мириўбет ҳәм мийирим-шәпаат есиклери ашылады.

Сүйикли Пайғамбарымыз Муҳаммад алайҳиссалам: “Ағайынның ағайынға еткен садақасы — ҳәм садақа, ҳәм силаи раҳм ҳүкиминде болады”, деген.

Усы жылдың 11-ноябрь күни Нѳкис районы, «Шортанбай» аўыл пуқаралары жыйыны турғыны Қазақбаев Оразбайдың шаңарағында өрт жүз берип, келип шыққан өрт нәтийжесинде хожалық ағзалары турақ жайсыз қалды. Бүгингидей аязлы күнлерде бул жағдай жүдә ашынарлы әлбетте. Бул келип шыққан жағдай жақыннан үйренилип, райондағы “Имаматдин ийшан” жоме мешити тәрепинен үй-рыўызыгер буйымларынан жәрдем берилди.

Аллаҳ таала үлкемизде меҳир-шәпәәтли ҳәм сақаўатлы инсанлардың көбейиўин, ел-журтымыз пәраўан, шаңарақларымыз нурға бөлениўин несип етсин!

Қарақалпақстан мусылманлары қазыяты.

  • 128 мәрте оқылды

Paziylet.uzҚарақалпақстан мусылманлары қазыяты веб-сайты