КЕЎИЛ БИЛДИРЕМИЗ

Ѳзбекстан мусылманлары басқармасы Уламалар Кеңеси диний тараўда кѳп жыллар нǝтийжели хызмет еткен, жанкүйер улама, пидǝйы инсан Ташкент ўǝлаяты бас имам-хатиби Хайруллаҳ дамла Турматовтың қайтыс болыў мүнǝсибети менен терең қайғырыў билдиреди.

Рахметли Хайруллаҳ дамла Турматов Имам Бухарий атындағы Ташкент ислам институтында тǝлим алған, мийнет жолы даўамында Ташкент ўǝлаятындағы «Четсув», «Қорабоғ», “Заңгиота” жоме мешитлери имам-хатиби, Ангрен қаласы бас имам-хатиби ҳǝм Ташкент ўǝлаяты бас имам-хатиби ўазыйпаларында пидǝкерли хызмет етти.

Ѳзбекстан мусылманлары басқармасы мийнет жǝмǝǝти бул аўыр мүсийбетке терең қайғырыў билдиреди. Бǝршемизди Аллаҳ таала жаратқан. Тǝғдиримизди шешиўши де тек ғана Рǝббимиздиң Ѳзи болады. Қураны кǝриймде: “…Әлбетте, бизлер Аллаҳтикимиз ҳәм әлбетте, бизлер Оған қайтыўшымыз…” (Бақара, 156) делинген.

Аллаҳ таала ақырет сапарына жиберилип атырған бул дин пидайысын рахметине алсын, жақынларына сабыр жǝмийл берип, қазасын ийман менен, разылық пенен қарсы алғанлар қатарында ажру сыйлықлар ада етсин.

Хайруллаҳ дамла Турматовқа уламалар, имам-хатиблер, имам-найыплар, жоме мешитлердеги ҳǝр бир жуўапкер хызметкер ҳǝм де кеўиллери Алланың бǝйтине байланысқан қǝдирли инсанлардың ҳүрмети бǝлент ҳǝм жоқары еди.

Хызметлери даўамында жоме мешитлерди абаданластырыў, намаз оқыўшылардың ибадат етиўи ушын мүнǝсип ҳǝм заманагѳй шǝрт-шǝраятларға ийе болыўы ушын тыным билмей мийнет етип атырған еди... Ҳǝдийси қудсийлардан биринде айтылады: “Ҳǝй Адам перзенти! …Әлбетте, Мен сизлердиң сүўретиңизге де, шырайыңызға да қарамайман. Бǝлки кеўилиңизге қарайман ҳǝм сизлердеги жақсы пазийлетлерден разы боламан”. Рахметли Хайруллаҳ дамла Турматов та ǝне сондай жақсы пазийлетлер, ийгиликли ǝмеллер ийеси еди.

Аллаҳ таала марҳум уламаны Ѳз рахметине алсын, шеккен дǝртлерин гүналарына кǝппарат ǝйлесин, ийманларын саламат қылсын, саўаплы ǝмеллерин ѳзине жолдас етсин. Ақыретлерин абад, жайларын Фирдаўс жǝннетлеринен қылсын!

Ҳақ таала марҳум алымның шаңарақ ағзаларына, перзентлерине ҳǝм жақынларына шырайлы сабыр берип, бул мүсийбетлерин жақсылықлар менен толтырсын. Биз Уллы Пǝрўардигардан дуўа етип сораймыз, марҳум алымды ѳзиниң шексиз рахметине алсын, жǝннет бағларына миясар етсин.

Иннаа лиллааҳи ўа иннаа илайҳи рожиъуун.

Ѳзбекстан мусылманлары басқармасы.

  • 133 мәрте оқылды

Paziylet.uzҚарақалпақстан мусылманлары қазыяты веб-сайты