Ѳзбекстанда жума намазлары 4-сентябрьден оқылады

Хабарыңыз бар, Республика арнаўлы комиссиясының нǝўбеттеги қарарына тийкарланып 4-сентябрь, жума күнинен баслап диний шѳлкемлерде жǝмǝǝтлик ибадатларды (жума ҳǝм шемби-екшембилик диний хызметлер) ǝмелге асырыўға рухсат берилди.

Усы қарарға муўапық, журтымыздағы жоме мешитлерде жума намазлары 4-сентябрь, жума күнинен баслап оқылыўына рухсат етилди.

Республикамыздағы жоме мешитлерде 4-сентябрь күнине шекем жума намазын оқыўға таярлық жумыслары алып барылады. Жума намазлары ўақтында қатаң карантин талапларына ҳǝм де социаллық аралықты сақлаў қағыйдаларына ǝмел етилиўи талап етиледи. Атап айтқанда:

- жума намазын оқыў ушын келиўшилер арасында социаллық аралықты тǝмийинлеў;

- мешитлер хызметкерлери ҳǝм келиўшилердиң медициналық нықапта болыўы;

- санитария-гигиена ҳǝм дезинфекция талапларына қатаң ǝмел етиў, имарат бѳлмелерин турақлы түрде дезинфекция етиў, оларға кириў-шығыў орынларын пирометрлер, антисептикалық қураллар ҳǝм дезинфекциялық “тѳсек”лер менен үскенелеў;

- жума намазынан кейин имарат (хана) ҳǝм одағы үскенелерди дезинфекциялық қураллар менен тазалаў;

- имарат ҳǝм бѳлмелерге, соның менен бирге, ҳаўа айландырыў системасына зыянсызландырыў инвентарларын (улътрафиолет лампалар ҳǝм б.) орнатыў;

- дене температурасы 37 С ҳǝм одан жоқары болған ямаса инфекция белгилери болған келиўшилерди мешитке киргизбеў;

- мешитлерге кириў ҳǝм шығыў орынларында халықтың топланыўына қатаң жол қоймаў сыяқлы карантин талаплары енгизиледи.

Ѳзбекстан мусылманлары басқармасы баспасѳз хызмети.

  • 149 мәрте оқылды

Paziylet.uzҚарақалпақстан мусылманлары қазыяты веб-сайты