Ѳзбекстан Республикасы Президентиниң қарары

Мүбǝрек Қурбан ҳайты мǝнисинде жǝмленген қайыр-сақаўат, меҳир-мириўбет, инсаныйлық сыяқлы ǝзелий дǝстүр ҳǝм қǝдириятларымызды асырап-сақлаў ҳǝм де кең ен жайдырыў, халқымыздың ийгиликли нийет ҳǝм арзыў-үмитлерин қоллап-қуўатлаў мақсетинде:

1. Ѳзбекстан мусылманлары басқармасының 2020-жылда Қурбан ҳайтының биринши күни 31-июль - жума күнине туўры келиўи ҳаққында қабыл еткен қарарын инабатқа алып, мǝмлекетимизде 2020-жыл 31-июль Қурбан ҳайты байрамы ретинде кең нышанлансын.

2. Қарақалпақстан Республикасы Министрлер Кеңеси, ўǝлаятлар ҳǝм Ташкент қаласы ҳǝкимликлери Мǝҳǝлле ҳǝм шаңарақты қоллап-қуўатлаў министрлиги, Ѳзбекстан Республикасы Министрлер Кабинети жанындағы Дин ислери бойынша комитет ҳǝм де жǝмийетлик шѳлкемлери менен биргеликте Қурбан ҳайтының карантин талапларына ǝмел еткен ҳалда, халқымыздың миллий ҳǝм диний дǝстүрлерине сǝйкес түрде ѳтиўи ушын тийисли илажларды ǝмелге асырсын.

3. Ѳзбекстан Миллий телерадиокомпаниясы, Ѳзбекстан Миллий хабар агентлиги ҳǝм басқа ғалаба хабар қуралларына Қурбан ҳайтын белгилеў менен байланыслы илажларды жарытыў усыныс етилсин.

4. Усы қарардың орынланыўын қадағалаў Ѳзбекстан Республикасының Бас министри А.Н. Ариповқа жүкленсин.

Ѳзбекстан Республикасы Президенти

Ш. Мирзиёев

  • 251 мәрте оқылды

Paziylet.uzҚарақалпақстан мусылманлары қазыяты веб-сайты