Мусылманлар басқармасына биринши орынбасар тайынланды

Диний басқармаға биринши орынбасар тайынланды.


Бүгин, 17 декабрь күни Өзбекстан мусылманлары басқармасы уламаларының нәўбеттеги жыйналысы болып өтти. Бунда уламалар, диний басқарма баслықлары, бөлимбаслықлары ҳәм имам хатиблер қатнасты.

Жыйналыс Қураны кәрийм тиләўаты менен басланды.

Жыйналыста жуўмақланыў алдында турған 2019 жылда Өзбекстан мусылманлары басқармасы тәрепинен әмелге асырылған ислер көрип шығылды. Солардан, мешитлер, диний тәлим журтлары, зыярат орынлары ҳәм басқармаға қараслы басқа шөлкемлердиң усы жылдағы жетискенликлери ҳәм кемшиликлери додаланды. Сондай ақ, 2019-жылда мешитлердиң алып баратуғын ислерин еле де раўажландырыў бойынша әмелге асырылған ислер ҳәм алдында қылыныўы керек болған ислер айтылды.

Жыйналыста ишки мәселелер де көрилди. Оған көре, Өзбекстан мусылманлары басқармасының биринши орынбасары лаўазымына Ишматбеков Ҳамиджон Баҳрамович тайынланды.

Мағлыўмат орнында, Ишматбеков Ҳамиджан 1970-жыл Ташкент қаласында туўылған. Ташкент ислам институты ҳәм Мадина ислам университетинде тәлим алған. "Көкалдаш" ислам билим журты директоры, Ташкент қаласы "Муҳаммад Насир ҳажы" мешити имам-хатиби, Өзбекстан мусылманлары басқармасы Пәтўа бөлими директоры лаўазымларында хызмет еткен. Бир неше китап ҳәм мақалалар авторы.

Өзбекстан мусылманлары басқармасы баспасөз хызмети

  • 477 мәрте оқылды

Paziylet.uzҚарақалпақстан мусылманлары қазыяты веб-сайты