Хийўа қаласына зиярат шөлкемлестирилди

Елимизде инсан, оның атақ-абыройы, қәдир-қымбаты ҳәм мәплерин қорғаўға қаратылып атырған айрықша итибар ҳәр бир пуқараның турмысында әҳимийетли орын тутпақта.

Өзбекстан Республикасы Президентиниң 2017 жыл 1 декабрьдеги “Нәгиранлығы болған шахсларды мәмлекет тәрепинен қоллап-қуўатлаў системасын түп-тийкарынан жетилистириў илажлары ҳаққында”ғы Пәрманының орынланыўын тәмийинлеў мақсетинде ҳәптениң ҳәр сәршемби ҳәм жума күнлери Нөкис қаласы Имам ийшан Муҳаммад ҳәм Төрткүл районы Төрткүл мешитлеринде еситиў ҳәм сөйлеў қәбилетинде нуқсаны бар нәгиранлар қатнасында диний-мәрипий сәўбетлесиўлер, жума тезиси арнаўлы сурдо көринисинде үлкен монитор арқалы қойып берилмекте.

Мине бундай илажлар турақлы түрде даўам етип келмекте. 3-ноябрь күни Қарақалпақстан мусылманлары қазыяты, “Вақф” қайырқомлық жәмәәтлик фонды ҳәм Имам ийшан Муҳаммад мешити қәўендерлиги ҳәм басламасы менен Республикадағы еситиў ҳәм сөйлеў қәбилетинде нуқсаны болған 40 пуқараларды Хийўа қаласына саяхатқа апарылды. Ол жердеги Ийшан қала тарийхы ҳәм басқада тарийхый естеликлер менен таныстырылды.

Мәмлекетимиз тәрепинен қаратылған итибар, жаратылып атырған имканиятлардан миннетдар екенлиги ҳәм усындай илажларды шөлкемлестирген шөлкемлерге өзлериниң миннетдаршылығын билдирди.

Абдижамилов Бахрам «Имам ийшан Муҳаммад» жоме мешити хызметкери.

  • 206 мәрте оқылды

Paziylet.uzҚарақалпақстан мусылманлары қазыяты веб-сайты