Академия хызметкерлери менен ушырасыў

Бүгин Өзбекстан халық аралық Ислам академиясы ректори Ш. Ёвқочев, Өзбекстан халық аралық Ислам академиясы жанындағы билим жетилистириў Орайы директоры Д. Раҳимджанов ҳәм Қарақалпақстан мусылманлары қазыяты қазысы Ш. Бауатдиновлар Өзбекстан халық аралық Ислам академиясы Қарақалпақстан Республикасы аймақлық филиалында болып, филиал оқытыўшылары ҳәм хызметкерлери менен ушырасты.

Ушырасыўдан мақсет, Ислам академиясы аймақлық филиаллары жумысларын көриў, жумыс нәтийжелигин асырыў, Республикадағы диний тараў хызметкерлерине Қуран илимлери, ҳәдиси-шариф, Ислам ҳуқықы, суфизм, Ислам тарийхы сыяқлы диний тәлим бағдарлары, диний ҳәм дүньялық тәлим бериў ҳаққында Ш. Ёвқачев өз сөзинде айтып өтти.

Жыйналыста усы филиалларда, атап айтқанда Қарақалпақстанда хызмет көрсетип турған диний тараў хызметкерлерине уллы тулғаларымыз Сулайман Бақырғаный, Маҳмуд аз-Замахшарий, Ал-Беруний ҳәм Ал-Харезмийлердиң өмири ҳәм дөретиўшилиги, соның менен бирге, Өзбекстан Республикасы Президенти мийнетлерин терең үйретиў бойынша усыныслар берилди.

Даўытбай Беканов, Қарақалпақстан мусылманлары қазыяты хызметкери.

  • 160 мәрте оқылды

Paziylet.uzҚарақалпақстан мусылманлары қазыяты веб-сайты