Ташкент Ислам институты арнаўлы сыртқы бөлими студентлери ортасында Қуран ҳәм Азан жарысы болып өтти

Ўатанымыз ғәрезсизликке ерисип, еркимиз өз қолымизга қайтқаннан кейин көплеген жөнелислерде түпкиликли өзгерислер алып барылмақта. Атап айтқанда, ғәрезсизликтен берли ҳәр жылы Қурани каримди толық ядлаў және оны шырайлы етип оқыў бағдарында Республика көлеминде “Қарыйлар жарысы” өткерип келинбекте. Ең қуўанышлысы, 2018-жылда Президентимиз Шавкат Мирзиёевтың басламасы менен Республика көлеминде бир неше басқышлы “Қуран жарысы” жоқары шөлкемлескенлик жағдайында өткерилди ҳәм усы жарыс журтымызға нур, халқымыз кеўилине шадлық алып кирди. Расында да, бул ғайрат ҳәм түпкиликли өзгерислер гөззал ҳәм ийгиликли ислер қатарынан болып табылады. Аллаҳ таала каламы шарифинде марҳамат етип айтқанындай:

وَفِي ذَلِكَ فَلْيَتَنَافَسِ الْمُتَنَافِسُونَ

“…Жеткиликли, жарысшылар сол (неьматлар) жолында жарыссын!”.

Президентимиз Шавкан Мирзиёев: “Қуранды еситиў, есите алыў жоқары руўхыйлық, мәрипат. Қуран ҳеш қашан жаманлыққа шақырмайды. Егер Қурны каримди есите алсақ, еситтира алсақ бул жетискенлик болады. Елимизга нур келеди” деп айтып өткен.

Буннан тысқары, Өзбекстан Республикасы Президенти Шавкат Мирзиёевтың 2017 жыл 14-15 апрель күнлери Самарқанд ўәлаятына сапары даўамында берилген тапсырмалар ҳәм кеңейтирилген жыйналыс шешими ҳәм де Өзбекстан Республикасы Бас Министрининг 2017 жыл 29 майдағы 08/1-856-санлы тапсырма хатына муўапық Ташкент Ислам институты Арнаўлы сыртқы бөлими 2017-2018 оқыў жылынан баслап өз жумысын баслады.

Арнаўлы сыртқы бөлим студентлери ушын ҳәр тәреплеме қолай шәрт-шәраятлар жаратып берилип атыр. Оларға институттың жоқары маман, узақ жыллық тәжирийбеге ийе болған профессор-оқытыўшылары сабақ бермекте. Арнаўлы сыртқы бөлимди тамамлаған студентлерге диний жоқары мағлыўмат дәрежесиндеги Ташкент Ислам институты дипломы бериледи. Бүгинги күнде арнаўлы сыртқы бөлиминде улыўма 180 ге жақын студентлер оқымақта.

10-октябрь күни Имам Бухарий атындағы Ташкент Ислам институты “Таҳфизул-Қурьон” кафедрасы басламасы менен Қурани каримниң “тилаўат” (яғный, Қуранды туўры ҳәм шырайлы оқыў) бағдарында “Қуран жарысы” ҳәм Азан жарысы өткерилди. Бул жарыста Қарақалпақстан Республикасынан, Ташкент Ислам институты Арнаўлы сыртқы бөлимде оқып атырған Әмиўдәрья районы «Ноғай ийшан» жоме мешити имам-хатиби Ўктам Қурбаниязов ҳәм «Яқуб ийшан» жоме мешити имам-хатиби Бабажанов Дастанбеклер де қатнасты.

Жарыс жуўмағына көре төмендеги студентлер жеңимпаз деп табылды:

Қуран жарысы:

Биринши орын: Қурбаниязов Ўктам (701 топар);

Екинши орын: Якубов Музаффар (703 топар);

Үшинши орын: Панжиев Жасур (702 топар).

Азан жарысы:

Биринши орын: Мадгазиев Жамолиддин (703 топар);

Екинши орын: Холхоьжаев Дилшоджон (702 топар);

Үшинши орын: Абдуллаев Фазылжон (701 топар).

Жарыс соңында жеңимпазлар институт тәрепинен дипломлар ҳәм қымбат баҳалы сыйлықлар менен сыйлықланды.

Жаҳонгир Нематов, Ташкент Ислам институты “Таҳфизул-Қурьон” кафедрасы баслығы.

  • 201 мәрте оқылды

Paziylet.uzҚарақалпақстан мусылманлары қазыяты веб-сайты