Дүньяның ең абырайлы 500 мусылманы рейтинги дағазаланды

Дүняның ең абырайлы 500 мусылманы рейтинги - The Muslim 500 30-сентяьбрде Оманның Султанлық Исламый стратегиялық изертлеўлер орайы тәрепинен оныншы мәрте дағазаланды.

Оған дүнья мусылманларына сиясий, идеологиялық, материаллық ямаса басқа тәсир көрсеткен шахслар киритиледи.

Рейтингте келтирилген мағлыўматларға көре, ҳәзирде дүньяда 1, 9 млрд мусылман бар болып, бул дүнья халқының шерек есесин қурайды.

Рейтингте Бирлескен Араб Әмирлигри, Туркия, Катар, Пакстан, Индонезия, Саудия Арабстаны, Египет, Кувейт ҳәм басқа дәстүрий мусылман мәмлекет ўәкиллери көпшиликти қураған. Бирақ оған Европа, Қубла ҳәм Арқа Америкадан дин ҳәм жәмийетлик ғайраткерлер, сиясатшылар, журналистлер, спортшылар, илимпазлар, сақаўатлы инсанлар да киритилген.

Рейтингтиң биринши орнын Ислам ҳуқықшунаслығы (фикҳ), экономикасы, ҳәдис ҳәм суфизм илми саласындағы қәниге, 60 тан көбирек китап ҳәм илимий мақалалар авторы 76 жаслы Шайых Муҳаммад Тақий Усманий ийелеген. 2-орынды Иран жоқары басшысы Оятуллоҳ Сайид Али Ҳоманаий, 3-орынды Абу-Даби тахт мийрасхоры шаҳзадасы, БАӘ қураллы күшлери жоқары бас командири орынбасары Муҳаммад бин Зоид Ал Наҳаён ийелеген.

Жетекши онлықтан, соның менен бирге, Саудия Арабстаны патшасы Салман бин Абдулазиз Ал Сауд, Иордания патшасы Абдуллаҳ II, Туркия президенти Ережеп Тоййиб Эрдўған, Марокаш патшаҳы Муҳаммад VI, Ирак ўәкили Оятуллоҳ Сайид Али Ҳусайн Систаний, Емен ўәкили Шайых ал-Ҳабиб Умар бин Ҳофиз, Умман султаны Султан Қобус бин Саид Ал Саидлер орын алған.

Орайлық Азия ўәкиллеринен рейтингке Өзбекстан мусылманлары басқармасы баслығы, муфтий Усманхан Алимов, Тәжикстан президенти Имомали Раҳман, Тәжикстан уламалары кеңеси басшысы Сайидмукаррам Абдулқодирзода ҳәм Түркменстан президенти Гурбангули Бердимухамедов киритилген.

Буннан тысқары, рейтингке Пакстан бас министри Имран Хан, Азербайжан президенти Илҳам Алиев, Чеченстан басшысы Рамзан Қадиров, дағыстанлы жеке гүресши Хабиб Нурмагомедов, египетли футболшы Муҳаммад Салаҳ да киритилген.

Еслетип өтемиз, рейтингтиң ең жоқары текшесин ийелеген Шайых Муҳаммад Тақий Усманий усы жылдың апрелинде Өзбекстанға келген еди.

Kun.uz сйтынан Беруний районы «Дәрўиш ийшан» мешити имам-хатиби Р.Мадраимов таярлады.

  • 66 мәрте оқылды

Paziylet.uzҚарақалпақстан мусылманлары қазыяты веб-сайты