Нөкис медресеси жаңа оқыў жылын баслады

Бүгин Муҳаммад ибн Аҳмад ал-Беруний атындағы орта арнаўлы Ислам билим журтында “Жанажан Өзбекстаним, мәңги бол аман!” ураны астында 2019 — 2020-жаңа оқыў жылының басланыўы мүнәсибети менен илаж болып өтти. Илаж Өзбекстан ҳәм Қарақалпақстан Республикаларының мәмлекетлик гимнлери менен басланды.

Онда, Қарақалпақстан мусулманлары қазыяты қазысы, Муҳаммад ибн Аҳмад ал-Беруний атындағы орта арнаўлы Ислам билим журты директоры Шамсутдин Бауатдинов сөзге шығып, жыйналғанларға Өзбекстан мусылманлары басқармасы баслығы, муфтий Усманхан Алимовтың байрам қутлықлаў хатын оқып еситтирди ҳәм Өзбекстан Республикасы Ғәрезсизлигиниң 28 жыллық байрамы менен қутлықлады, өз баянаты даўамында елимизде исленип атырған реформалар, жетискенликлер, барлық тараўлар қатары диний тараўдағы жаңаланыўлар, әмелге асырылып атырған түпкиликли өзгерислер, мөмин-мусулманларға жаратылып атырған мүмкиншиликлер, тарийхқа татырлық жаңалықлар, соның менен бирге, озық ойлы медресе талабаларының спорт, билимлендириўдеги ерискен жетискенликлери ҳаққында бирме-бир тоқталып, олардың алдағы ўақыттағы режелериниң әмелге асыўында, билимниң әлўан сырларын қунт пенен үйрениўде табыслар тиледи.

Илаждан соң медреседе тәлим алып атырған талаба жасларға «Ғәрезсизлик сабағы» өткерилди.

Қарақалпақстан мусылманлары қазыяты.
  • 141 мәрте оқылды

Paziylet.uzҚарақалпақстан мусылманлары қазыяты веб-сайты