Ислам цивилизациясы орайының басқа орайлардан айырмашылығы неде?

Өзбекстан Ислам цивилизацияси орайы ҳаққындағы жоқарыдағы сораўларға Халық аралық Пресс-клубта спикер сыпатында қатнасып атырған Ислам цивилизациясы орайы директоры Шоазим Миноваров жуўап берди.

Ш. Миноваровтың атап өтиўише, орай 20 ға жақын өзиндей орайлар менен илимий байланыста болады.

Соның менен бирге, орайдың өз хабарнамасы бар болып, ол халық аралық нормаларға тийкарланады. Ислам цивилизация орайы Египеттиң Ал-Азҳар университети менен де онлайн тәрзде илимий додалаўлар жүргизеди.

Орайдың өз рәсмий сайты шөлкемлестириледи. Сайт әўеле араб тилинде ҳәм басқа тиллерде де ислеп турады.

Ш. Миноваровнинг айтыўынша, халық аралық байланыслар Ислам цивилизацияси орайының тийкарғы мақсетлеринен бири болады ҳәм ол халық аралық илимий жәмийетшилик орайындағы илим дәргайы болыўы күтилмекте.

Самарқанд ҳәм Термиздеги Ислам орайларынан айырмашылығы сонда, Ислам цивилизациясы орайында илимий тексериў лабораториялары, көргезбелер комплекси шөлкемлестириледи. Орайда III әсирден баслап ҳәзирге шекем миллетимиз жаратқан дөретпелер орын алады. Тараў бойынша оқып атырған магистрлер илимий жумысларын алып баратуғын илим изертлеў бөлмелери қурылады. Бир сөз бенен айтқанда, Ислам цивилизациясы орайына кирген инсан Ислам дини ҳаққындағы түсиниклерин байытады.

Өзбекстан мусылманлары басқармасы Баспасөз хызмети.

  • 139 мәрте оқылды

Paziylet.uzҚарақалпақстан мусылманлары қазыяты веб-сайты