Қырғызстанда қыз алып қашыўға жаза күшейтириледи

2019 жылдың алты айы даўамында Қырғызстанда қыз алып қашыў менен байланыслы 118 факт дизимге алынды. Бул ҳаққында қыз алып қашыў профилактикасына бағышлап Бишкекте болып өткен ушырасыўда ИИМнинг жәмийетлик қәўипсизлик хызмети басшысы Улан Рисбеков мәлим етти.

“2019 жылдың алты айында қыз алып қашыў менен байланыслы факт бойынша 118 жынаятлы ис қозғатылды, соннан 94 и неке менен байланыслы қыз алып қашыў болса, 12 си болса некеге мәжбүрлеў. Жынаят ислердиң көбиси судқа тапсырылды”, - дейди Рисбеков.

ИИМ мағлыўматына көре, қыз алып қашыў менен байланыслы ҳәдийселердиң көбиси аўыллық жерлерде жүз берген.

Бишкекте ҳуқық қорғаўшылары, тарийхшылар ҳәм мәмлекетлик мәкемелериниң хызметкерлери қыз алып қашыў менен байланыслы машқаланы талқыламақта ҳәм бул машқаланы шешиў жолларын излемекте.

БМШниң гендер мәселелери бойынша Есабатында айтылыўынша, Қырғызстанда шаңарақлардың 20% и тиккелей қыз алып қашыў себепли қурылған.

Жаңа Жынаят ислери бойынша кодексте қыз алып қашыў ушын жаза күшейтирилген. Ендиликте бул жынаят ушын 5 жылдан 10 жылға шекем азатлықтан маҳрум етиледи. Буннан тысқары жас өспирим қызларды некеге мәжбүрлегенлер ушын да 200 мың сўм муғдарында жәрийма нәзерде тутылған.

Өзбекстан мусылманлары басқармасы Баспасөз хызмети.

  • 187 мәрте оқылды

Paziylet.uzҚарақалпақстан мусылманлары қазыяты веб-сайты