Биринши ярым жылдың жуўмағы қаралды

Бүгин Қарақалпақстан мусулманлары қазыятының жыллық ис режеси бәнтлериниң орынланыўы ҳәм биринши ярым жылдың жуўмағы бойынша бәрше мешит имам-хатиб, имам-найып ҳәм мутаўаллилер қатнасында жыйналыс болып өтти.

Онда Қарақалпақстан мусылманлары қазыяты қазысы Ш.Бауатдинов 15-июль күни Өзбекстан мусылманлары басқармасында Қарақалпақстан Республикасы, Ташкент қаласы ҳәм ўәлаятлар бас имамлары, олардың орынбасарлары ҳәм диний тәлим мекемелери директорларының қатнасында болып өткен жыйналыста берилген тапсырмалар менен кеңнен таныстырды.

Жыйналыс даўамында қазыятқа қараслы бәрше мешит имам-хатиблери тәрепинен усы жылдың алты айы даўамында исленген мәнаўий-мәрипий илажлар, ғалаба хабар қуралларындағы шығыўлар, мешитлердиң қурылыс-ремонт ҳәм абаданластырыў жумыслары, жаназа мәресимлерин шәриат көрсетпелерине сай өткериў, шаръий некени муўапықластырыў ҳәм басқа да режеден тысқары жумысларының есабатлары тыңланды, жиберилген қәте-кемшиликлер сынға алынды ҳәм алдағы ўақытлары бундай кемшиликлерди болдырмаў ушын көрсетпелер берилди. Жақынласып киятынған қурбан ҳайытына таярлықлар көриў, бәрше мешитлерде қәўипсизлик қағыйдаларына әмел етиў, мешитлерде шараятлар жаратыў бойынша тапсырмалар берилди ҳәм ўазыйпалар белгилеп алынды.

Қарақалпақстан мусылманлары қазыяты.
  • 191 мәрте оқылды

Paziylet.uzҚарақалпақстан мусылманлары қазыяты веб-сайты