Араблар ушын миллий либаслар Андижанда таярланады

Саудия Арабстанының Мадина қаласынан келген Абдулбасит Абдулҳадий Андижанда тигиўшилик бағдары бойынша перспективалы проектин усыныс етти. Бул ҳаққында «Халқ сўзи» хабар берди.

— Араблардың миллий кийимлери Қитайда ислеп шығарылады, — дейди инвестор. — Лекин Өзбекстанда жетистирилген пахта өними сапалылығы менен ажыралып турады. Усының себебинен Қорғантепа районындағы «Қорған грук» ЖШЖ менен биргеликте араблар миллий кийимлерин таярлаўды режелестирдик. Оның ушын Андижанда барлық шараят бар.

Проект әмелге асырылғаннан соң, дәслеп 100 жумыс орны жаратылады. Бул болса «Қорған грук»тиң өндирис пәти үш есеге артыўына себеп болады. Бирге ислесиўдеги режелер нәтийжесинде қорғантепалик шеберлер тәрепинен тигилген өнимлер «Ал Андижаний» бренди астында дүнья базарына кирип барады.

Өзбекстан мусылманлары басқармасы Баспасөз хызмети.

  • 176 мәрте оқылды

Paziylet.uzҚарақалпақстан мусылманлары қазыяты веб-сайты