Имам Ал-Бухарий қабирин биринши болып зиярат еткен сырт елли саяхатшы ким екенлигин билесизбе?


Индонезияның бурынғы президенти мырза Сукарно Самарқанд қасында жайласқан Имам ал-Бухарий қабирин биринши болып зыярат еткен шет ел мәмлекетлик ғайраткери есапланады.

Усы жылдың 27-30 июнь күнлери Индонезияның Жакарта қаласында шөлкемлестирилген «Trisakti Tourism Award» көргизбеси ҳәм де «Indonesia Halal Expo-2019» өним ҳәм хызметлер ярмаркасында сол ҳаққында айрықша айтып өтилди.

Илаж шеңберинде өткерилген конферентсияда Индонезияның туризм министри, Өнерментшилик ҳәм креатив санаат министри, жетекши туристик шөлкемлер ҳәм де авиакомпаниялар басшылары қатнасты. Онда Өзбекстанның зыярат туризми потенциалына арналған презентация дүзилди. Бул ҳаққында Туризмди раўажландырыў мәмлекетлик комитети баспасөз хызмети хабар берди.

Презентация даўамында Сукарно мырза Индонезия президенти сыпатында 1956 жылда Бурынғы Аўқамға рәсмий сапары даўамында Самарқанд қаласына саяхат шөлкемлестирилгени ҳәм бул саяхат даўамында Ҳартанг аўылындағы Имам ал-Бухарий қабирин зыярат етиўди сорағаны еске алынды. Мырза Сукарно Өзбекстанға келген дәслепки зияратшы-саяхатшы деп тән алынды.

Туризмди раўажландырыўдың мәмлекетлик комитетиниң Зыярат туризми шўбасы бас қәнигеси Саидкамил Холхўжаевтың сөзлерине көре, президент Сукарно журтымызға сапары сонында өзбек халқын «Жауҳ ди мата, декат ди ҳати», яғный «Көзге узақ, кеўилге жақын» мәнисиндеги индонез нақылы арқалы тәрийплеген, бүгинги күнде болса, еки мәмлекет ортасындағы визасиз система ҳәм де Ташкент-Жакарта бағдарында туўрыдан-туўры авиақатнаўдың жолға қойылыўы арқалы мүнәсибетлер және де беккемленгенлигин айтып өткен.

Бүгинги күнде индонезиялылар, әлбетте, Индонезия мәмлекетшилигиниң тийкарын салыўшы мырза Сукарно изинен барып, ол баслап берген саяхат бағдары арқалы Өзбекстанды қайтадан ашыўға ықласлы”,- деди конференция даўамында Инонециа Ҳалал Лифестйле Cэнтер шөлкеми баслығы мырза Сапта Нирвандар.

Дерек: Muslim.uz сайты.

  • 224 мәрте оқылды

Paziylet.uzҚарақалпақстан мусылманлары қазыяты веб-сайты