“Тоқпақ ата” жоме мешитиниң имараты қайта қурылмақта

Мәмлекетимиз басшысының 2017-жыл 28-фервльдағы «Қарақалпақстан Республикасы Мойнақ районын 2017-2018-жылларда социаллық-экономикалық жақтан раўажландырыў ҳәм халықтың бәнтлигин тәмийинлеўге байланыслы қосымша илажлар ҳаққында»ғы қарарына муўапық тоқымашылық, фармацевтика ҳәм электротехникалық өнимлер, тамшылатып суўғарыў үскенелери, пластмасса қубырларын ислеп шығарыў шөлкемлестирилди, балықшылық ҳәм туризмди раўажландырыў бойынша имканиятлар иске қосылды.

2019-жылы Мойнақ районында және көплеген – санаат тараўында 12, аўыл хожалығында 5, хызмет көрсетиў бойынша 14 жойбар әмелге асырылыўы жобаластырылған. Социаллық тараў объектлерин қурыў ҳәм реконструкциялаў, инженерлик-коммуникациялық тармақларын раўажландырыў бойынша жойбарлар ислеп шығылған.

Арал апатшылығынан соң ең көп зыян көрген – усы Мойнақтың халқы, деди Шавкат Мирзиёев. Олардың сабыр-төзими, ўатан сүйгишлиги, мийнеткешлиги ушын рахмет айтыўымыз, соған мүнәсип хызмет етиўимиз керек деп атап өткен еди.

Сол себепли, Президентимиз Мойнақта 20 көп этажлы үй, жаңа қалаша қурыў бойынша тапсырма берди. Бул жерде заманагөй қала қурылысындағы барлық жаңалықларды енгизиў, үлгили инфраструктура жаратыў зәрүрлигин атап өтти.

Мине усы көрсетпелерден келип шығып, Қарақалпақстан мусылманлары қазыяты тийисли шөлкемлер менен келискен ҳалда Мойнақ районындағы «Тоқпақ ата» жоме мешитиниң имаратын заманагөй қала қурылысы тийкарында қайта қурыўға рухсат алған еди.

6-июнь күни Мойнақ районы ҳәкимияты, Қарақалпақстан мусылманлары қазыяты ўәкиллери ҳәм райондағы нураный ақсақаллардың қатнасында «Тоқпақ ата» жоме мешитиниң жаңа имаратының биринши гербишин қойыў мәресими болды. Мәресимге Мойнақ районы ҳәкими С.Данияров ҳәм Қарақалпақстан мусылманлары қазыяты қазысы Ш.Бауатдиновлар қатнасты.

Қарақалпақстан мусылманлары қазыяты.

  • 255 мәрте оқылды

Paziylet.uzҚарақалпақстан мусылманлары қазыяты веб-сайты