Термизде жаңа мешит пайдаланыўға тапсырылды

2017 жылдың февралында Президент Шавкат Мирзиёев «Имам Термизий халық аралық илим изертлеў орайын шөлкемлестириў илажлары ҳаққында»ғы қарарды қабыл еткен еди.

Усы қарарға тийкарланып, ҳәзирги күнде Термиз қаласында Имам ат-Термизий атындағы илим изертлеў орайы, 138 орынлы мийманхана, аталар шайханасы ҳәм басқа да бир нешше хызмет көрсетиў орнынан ибарат пүтин комплекс қурылмақта.

Усы комплекс қурамына кириўши, 2250 орынға ийе Ҳаким Термизий атындағы жоме мешитиниң пайдаланыўға тапсырылыўы мүбәрек Рамазан күнлеринде термизлилер ушын мүнәсип саўға болды. Бул болса елимизде пуқаралардың ҳүждан еркинлигин тәмийинлеў, миллий қәдириятларды сақлаў ҳәм раўажландырыўға тийисли жоқары итибар көриниси.

Сондай-ақ, бул жерде имамлар ушын еки қабатлы бес турақ жай имараты қурып питкерилди.

Усы ўақытта ўәлаятта 108 жоме мешити хызмет көрсетип келмекте. Олардың көпшилиги заманагөй жоба тийкарында жаңадан қурылмақта.

Qalampir.uz сайтынан Д.Беканов таярлады.

  • 83 мәрте оқылды

Paziylet.uzҚарақалпақстан мусылманлары қазыяты веб-сайты