Умра зияратына жөнеп кетти

Ғәрезсизлигимиз шарапаты менен пуқараларымыз ибадатларын емин-еркин орынлаўы ушын бәрше шәрайытлар жаратылып, Ҳаж ҳәм умра зыяратын орынлаў имканиятына ийе болмақта.

Мине усы жаратылған имканиятлардан пайдаланып, 23-май күни Қарақалпақстан Республикасынан 52 пуқара Умра зияратын ада етиў ушын Нөкис халықаралық аэропортынан Ташкент қаласына жөнеп кетти.

Зыяратшыларды шығарып салыўда Қарақалпақстан Республикасы Министрлер Кеңеси, Қарақалпақстан мусылманлары қазыяты, Муҳаммад ибн Ахмад ал Беруний атындағы орта арнаўлы ислам билим журты ҳәм басқа да мекеме, шөлкем ўәкиллери, ғалаба хабар қураллары хызметкерлери қатнасты.

Бул сапарғы Умра зияратына Нөкис қаласы «Аллаҳ берди Әзиз» жоме мешити имам-хатиби Хожаметов Абдулмажид басшылық етпекте.

Пайғамбарымыз алайҳиссаллам: «Ҳажылар ҳәм умрашылар Аллаҳ тааланың мийманлары, егер олар сораса Аллаҳ таала оларға береди, дуўа қылса қабыл қылады, егер истиғфар айтса, олардың гүнәлары кешириледи, деп баян еткен.

Аллаҳ таала мүбәрек умра сапарындағы зыяратшыларымызды саў-саламатлықта ибадатларын толық орынлап келиўлерин, олардың дуўаларының шарапаты менен журтымыздың тынышлығын ҳәм пәраўанлығын даўамлы қылсын.

Қарақалпақстан мусылманлары қазыяты

  • 101 мәрте оқылды

Paziylet.uzҚарақалпақстан мусылманлары қазыяты веб-сайты