Фотогалерея: Чиланзарда Шайх Муҳаммад Садық Муҳаммад Юсуф атындағы мешит ашылды

Чиланзар районындағы Сўгалли ата зияратгаҳы жанында Шайх Муҳаммад Садық Муҳаммад Юсуф қурылысын баслатқан мешит узақ жыллар қараўсыз ҳалда қалып кеткен еди.

Президент Шавкат Мирзиёев өткен жылы февраль айында бул жерге келип, мешитти кең ҳәм көркем етип қурыў бойынша тапсырмалар берген еди.

Бүгин 2 гектардан зыят майданда үлкен комплекс қурылды. Алдынғы жобадағы айўан да мешит имаратына қосылып, еле де кеңейтирилди. Комплекстен, сондай-ақ, конференция залы, оқыў ханалары, таҳаратхана, музей ҳәм басқалар орын алған. Жол бойындағы Сўгалли ата мақбарасы ремонтланған. Бетон қалдықлары шығарып тасланып, көклемзарластырылған.

Шайх Муҳаммад Садық Муҳаммад Юсуф Орта Азия ҳәм Қазақстан мусылманлары диний басқармасы баслығы, муфтий болған. Түрли диний-мәрипий темаларда жүзден аслам китаплар жазып, ислам дини мазмунын туўры жеткериў, адамлардың билим ҳәм мәнәўиятын асырыўға үлкен үлес қосқан.

Президент бул мешит Шайх Муҳаммад Садық Муҳаммад Юсуф атына мүнәсип болғанлығын атап өтти. Шайх ҳәзиретлериниң илимий мийрасын үйрениў, мәрипат ҳәм әдеп-икрамлық темаларында көбирек китаплар басып шығарыў, жәмийетимиздеги мәнәўий орталықты беккемлеў бойынша усыныслар берилди.

Muslim.uz сайтынан.
  • 92 мәрте оқылды

Paziylet.uzҚарақалпақстан мусылманлары қазыяты веб-сайты