Шайх Муҳаммад Садиқ Муҳаммад Юсуф атындағы мешит қандай көринисте болады?

2017 жылы Ташкент қаласының Чиланзор районында жаңа мешит қурылыс жумыслары басланған еди. Өзбекстан Республикасы Президенти Шавкат Мирзиёев басламасы менен усы жаңа мешитке Шайх Муҳаммад Садиқ Муҳаммад Юсуф атын бериў бойынша көрсетпе берди.

Бүгинги күнде мешиттиң қурылыс жумыслары ақырына жетиў алдында. 23 апрель күни Чиланзор районы ҳәкими Сарвар Махаметов мешитте исленип атырған соңғы қурылыс ҳәм абаданластырыў жумыслары менен танысқан.

Ҳәким “Хонтопи” ҳәм “Яккабағ” мәҳәлле аймақлары шегарасындағы тасландық ҳалатқа түсип қалған қәбристан абаданластырылып, жаңа “Шайх Муҳаммад Садиқ Муҳаммад Юсуф” жомеъ мешитиниң қурылыс жумыслары барысын көзден өткерип, ислениўи керек болған жумыслар бойынша тапсырмалар берген.

Жоба бойынша, мешит аймағы намазхана, ҳаяллар намазханасы, таҳаратханалары, минара, 3 кириў орны, “Сўгалли Ота” мақбарасы, әнжуманлар сарыйы, сыртқы ҳәм ишки фонтанлар, мешит саҳнасы, автомобиллер ушын тоқтаў орны киргизилген. Оның улыўма жер майданы – 21180 кв метр.

Еслетип өтемиз, Өзбекстан Республикасы Президенти Шавкат Мирзиёев 2018 жылдың 9 февраль күни усы мешитке барып, қурылыс жумысларын көзден кеширген еди.

“Шайх Муҳаммад Садиқ Муҳаммад Юсуф тек ғана елимизде емес, бәлким пүткил ислам әлеминде тән алынған алым еди. Өмирин муқәддес динимиз көрсетпелерин үйрениўге ҳәм ен жайдырыўға, халқымыз, жасларымызды диний ағартыўшылық руўхында тәрбиялаўға бағышлады”, деген Шавкат Мирзиёев.

Qalampir.uz редакциясы.
  • 360 мәрте оқылды

Paziylet.uzҚарақалпақстан мусылманлары қазыяты веб-сайты