ИМАМ-ХАТИБ ҚАНДАЙ БОЛЫЎЫ КЕРЕК?

Имам сөзи арабша болып, туўры жолға баслаўшы, өзинде саўап ислерди жәмлеген инсан мәнисин билдиреди. Имам үлкен сынаўлардан жүзи жарық өткен, салиҳ, әдил, қәлби пәк, пүткил барлығы менен инсанларға хызмет қылыўды нийет еткен илим ийеси, хош мүләйым, ҳәзирги заман ўақыяларынан хабардар, пикирин дурыс ҳәм исенимли жеткерип бере алатуғын, адамларға үлги болып оларды өзине ерте алатуғын инсан болыўы лазым. Ибн Халдун имамлар мөмин-мусылманлардың ибадатларына басшылық қылыў менен бирге дүнья ислеринде де, мәдений ҳәм социаллық жәмийеттиң мазмун-мәнисин ашып бериўде де айрықша орынға ийе екенин баян еткен. Бул болса инсанлардың еки дүнья бахтына ерисиўи ушын зәрүр әмеллерден есапланады.

Ҳәзирде имамлардың жетик шахс сыпатында тәлим алыўы ҳәм мөмин- мусылманлардың зәрүрлигин толық қанаатландырыўы ушын үлкен ғамхорлық ҳәм итибар қаратылмақта. Ҳүрметли Президентимиз Имам Бухарий халық аралық орайында имам-хатиблар менен ушырасқанында: - “Имамлар ҳәр дайым халықтың ишинде болып, уллы бабаларымыздың бай илимий ҳәм руўхый мийрасларын, мүбәрек Ислам дининиң негизги мәнис-мазмунын, Қураны кәриймдеги уллы идеяларды, әсиресе, исеним мәселелерин шын мәнисте кең жәмийетшилик сана-сезими ҳәм қәлбине дурыс жеткеретуғын, оларды ҳидаят жолына баслайтуғын инсанлар” — деген еди. Бул сөзлер имамларға жоқары исеним ҳәм үлкен жуўапкершилик жүклейди. Ҳәр бир имам өз мешити аймағындағы қәўимлердиң руўхый жетиклиги, тыныш ҳәм татыў жасаўы ушын турақлы түрде өз сөзи ҳәм әдеби менен өрнек болыўы зәрүр. Соның ушын имам-хатиб өз үстинде ислеў, билимин заман талаблары дәрежесинде асырып барыўы лазым. Сораўлар жуўапсыз қалыўы мүмкин емес. Ел тынышлығы ҳәм халықлар дослығы, мәмлекетимизде алып барылып атырған унамлы ислердиң мәнис-мазмуны ол қатнасқан ҳәр бир илажда оның сөзи ҳәм пикири менен баян етилиўи керек. Имамлар инсан қәлблерин ҳәр түрли бузғыншы ағым ҳәм пикирлерден, шайтан жолынан қайтарыўшы ҳәм сақлаўшы, керек болса, «тәўиплери» десек болады. Бүгинги имам-хатиблер жуўапкершиликти терең сезинип диний илимди халыққа жеткерип, социаллық турмыста белсенди болыўы, ел тынышлығы ҳәм Ўатан раўажы жолында үлкен үлес қосыўы лазым болады. Олар минбер ийелер. Ҳәптелик жума баянатында диний, дүньялық, тарийхый, заманагөй, инсаный, әдеп-икрамлылық ҳаққындағы мағлыўматларға бай дүнья қарасқа ийе болыў керек. Имам-хатиб мирәт етилген ҳәр бир мәжилис ҳәм той-мерекеде адамлар арасында жөнсиз гәп-сөзлер, ғыйбат, алдамшы болмаўына кепилленген болыўы лазым. Өмирден ҳәм ғәрезсизлик шарапатынан, Ўатанымыз тынышлығы, жаңаланыў ислери раўажыныўларды кеўли тоқ ҳалда тарқалыўын имам-хатиб өз мақсети ҳәм ўазыйпасы деп билиўи керек. Сергеклик, пидайылық ҳәм даналық имам-хатибтиң ураны болыўы керек.

Атабаев Абдумутал

Imon.uz сайтынан Нѳкис қаласы «Ережеп бий» жоме мешити имам-найыбы Шухрат Қудайбергенов таярлады.

  • 57 мәрте оқылды

Paziylet.uzҚарақалпақстан мусылманлары қазыяты веб-сайты