Эксперт: «Қорыққанға қос көринеди. Covid-19 негизинде шаў-шуў болып атырғанлығы шелли қорқынышлы емес»

Медицина илимлери докторы Николай Филатов коронавирус әтирапында тийкарсыз шаў-шуў көтерилмекте, деген пикирде.

Мечников атындағы вакцина ҳәм емлеў илимий-өндирис институтының пән бойынша директор орынбасары, медицина илимлери докторы Николай Филатов «БИЗНEС Online» басылымына берген интервьюсында коронавирус пенен байланыслы жағдай бойынша өз пикирлерин билдирди.

«Булардың барлығы не ушын исленбекте? Қорыққан адам пулын аңсат ғана береди ҳәм басқарылыўы да аңсат болады. Менимше, бул машқаланың тамыры әйне мине сонда. Кимге, не ушын инсаниятты қатты қорқытыў керек болып қалды. Айтыңшы, егер бул жасалма түрде исленген болса, буннан мақсет не? Адамлар ден саўлығына зыян жеткизиўме? Онда бул қандай зыян болыўы керек? Жоқары дәрежедеги өлим, аўыр клиника, оғада жуқпалылық ҳәм басқалар. Бул жерде нени көрип атырмыз? Онан өлим дәрежеси қаншелли? Н5N1 «қус гриппи»де өлим дәрежеси 52, 8 процент. Бул усы гриппке шалынғанлардың ярымы өлди дегени. Усының менен бирге, өлим дәрежеси инсанлардың жасы, жынысы, расасы ҳәм олардың қандай жумыс пенен шуғылланыўына ҳеш қандай байланыслы болмаған. Кеселлик қустан адамға жуққан және бул машқалаға айналған. Бул вирус коронавирустан көре қорқынышлылаў.

Коронавирус қашаннан берли белгили болған респиратор вируслардан бири. Олар әпиўайы респиратор инфекцияда мәлим дәрежеде болады. Жаңа вируста өлим дәрежеси 3, 4, максимум 4 процент! Бул нени аңлатады? Ҳеш нәрсени. Бул әпиўайы респиратор инфекция. Бирден бундай шаў-шуў көтерилди! Неге? Не ушын ҳеш қандай тийкарсыз бундай шаў-шуў көтерилмекте? Балалар ҳәм жас өспиримлер дерлик кеселге шалынбай атыр. Не болып атыр өзи?

Мине, гәп неде. Макрофаг — иммун системасын басқарыўшы клетка. Микроб, токсин, оған не тәсир көрсетпесин, макрофаглардың бир бөлеги физиологикалық жол менен жуўап қайтарады, бир бөлеги болса гипер актив жағдайға өтеди. Жасы үлкен адамларда гипер актив макрофаг үлеси көбирек болады. Ол иммун системасына ҳәрекетке түсиў ҳәм организмди актив қорғаўға буйрық береди. Актив қорғаў не? Бул кеселлик оятыўшы орынға, усы жағдайда өкпеге лейкоцитлердиң ағыўы дегени. Бул тымаў. Егер мине сол гипер активлик алып тасланса ҳеш қандай пневмония болмайды. Бул коронавируста да ҳеш нәрсе болмайды! Сол себепли буны қандай да лабораторияларда жаратылған глобал көлемдеги қәўетерли зат деп айтпаған болар едим. Ол жаңа, ҳәзирше ҳеш кимде оған қарсы иммунитет жоқ. Адамлардың тәбийий иммунизациясы жүз бергенинен кейин ҳәммеси жуўмақланады. Ол сейил етип атыр, балаларда айланып жүрипти, зыян жеткериў дәрежеси азайып бармақта ҳәм биз нени қолға киритемиз? Иммун қатламының қаншшелли үлесин ҳәм усының менен ҳәмме бул вирусты умытады. Ол нәўбеттеги коронавирусқа айланады.

Кеселлик шақырыўшы онлаған, жүзлеген, мыңлаған вируслар бар. Түслик-Шығыс Азияның көплеген қалаларына тарқалған Н5N1 гриппин алың. Ҳәзиргидей пандемик шаў-шуў болғанба еди? Пандемия не? Кеселликтиң барлық континентлерде тарқалыўы. Пандемия болған, бирақ шаў-шуў болмаған.

Даўам етемиз. «Шошқа гриппи»: өлим дәрежеси 17 процент, ҳәзирги коронавирустан үш барабар көп. Ол ҳаққында да ҳеш нәрсе еситилмеди.

Бүгин жүз берип атырған барлық зат тек бир затты аңлатады: «қорыққанға қос көринеди. Мен ҳүкимет шөлкемлерин түсинемен», деди Николай Филатов.

Алдын медицина илимлери докторы, профессор Хайрулла Мустафоев та коронавирус дүнья ушын жаңалық емеслиги, вирустың жаңа өзгешеликлери бар екенлиги, лекин тийкарғы негизи ески вирус есапланыўын айтқан еди.

Дерек: Kun.uz

Темирбек Хожамуратов,

Хожели районы «Муҳаммад Карим» жоме мешити имам-хатиби.

  • 102 мәрте оқылды

Paziylet.uzҚарақалпақстан мусылманлары қазыяты веб-сайты