Иман, ислам, эҳсан ҳаққында

Умар ибн Хаттоб разыяллаҳу анҳудан рәўият қылынады: «Биз күнлердиң биринде Расулуллаҳ саллаллаҳу алайҳи ўа саллам менен бирге отырған едик, сол ўақытта аппақ кийимли, қара шашлы бир киси кирип келди. Оған қарасақ жол жүрип келген мүсәпир шығар деп ойлайтуғындай сапардың белгилери жоқ ҳәм оны арамызда отырғанлардың ишинде ҳеш-бири танымас еди. Ишке кирип келип, Нәбий саллаллаҳу алайҳи ўа салламның қасына келип отырды ҳәтте, еки дизесин Нәбий саллаллаҳу алайҳи ўа салламның дизесине тийгизип еки қолын Нәбий саллаллаҳу алайҳи ўа салламның санының үстине қойып, «Ҳәй Муҳаммад маған Ислам ҳаққында хабар бериң» деди. Сонда Расулуллаҳ саллаллаҳу алайҳи ўа саллам: «Ислам бул - «Аллаҳтан басқа қудай жоқ, әлбетте Муҳаммад алайҳиссалам Аллаҳтың расули», деб гуўалық бериўиң, намаз оқыўың, закат бериўиң, Рамазан айының оразасын тутыўың ҳәм де жол жүриўге қәдир болсаң, Байтуллаҳты хаж қылыўың» деди.

Ол киси: «Рас айттың» деди. Бизлер өзи сораў берип, өзи мақуллағанына ҳайран қалдық. Жаңағы киси: «Маған ийман ҳаққында хабар бериң» деди. Расулуллаҳ саллаллаҳу алайҳи ўа саллам: «Аллаҳқа, периштелерине, китапларына, пайғамбарларына, ахырет күнине ҳәм де жақсы ҳәм жаман тағдирге ийман келтириўиң», деди. Ол киси және: «Рас айттың, маған эхсан ҳаққында хабар бериң» деди. Расулуллаҳ саллаллаҳу алайҳи ўа саллам: «Эхсан дегени бул - Аллаҳты тап көрип турғандай ибадат қылыўың. Егер Аллаҳты көрип турғандай сезине алмасаң, онда Аллаҳ сени көрип турғанын бил», деди. Ол киси: «Маған Қыямет күни ҳаққында хабар бериң» деди. Расулуллаҳ саллаллаҳу алайҳи ўа саллам: «Соралған киси бул ҳаққында сораўшыдан зыят билиўши емес» деди. Ол киси: «(Ондай болса) Қыямет күниниң белгилери ҳаққында хабар бериң» деди. Расулуллаҳ саллаллаҳу алайҳи ўа саллам: «Шоры өз хожасын туўры, жалаң аяқ, жалаңаш, камбағал шопанлардың имаратларын қурыўда бир-биринен озыуға ҳәрекет етип атырғанын көриўиң», деди. Соң ол киси қайтып кетти.

Мен бираз ўақыт Пайғамбарымыз бенен көрисе алмай жүрдим. Соң Пайғамбарымыз саллаллаҳу алайҳи ўа саллам маған: «Ҳәй Умар, бул сораў берген кисини таныдыңба?» деди. Мен: «Аллаҳ ҳәм расули билиўширек» дедим. Сонда Пайғамбарымыз саллаллаҳу алайҳи ўа саллам: «Бул Жәбрайыл еди. Сизлерге диниңизден тәлим бериў ушын келди», деп айтты». (Имам Муслим рәўияты).

Асқар Қаражанов,

Шымбай районы «Хан» жоме мешити имам-найыбы.

  • 107 мәрте оқылды

Paziylet.uzҚарақалпақстан мусылманлары қазыяты веб-сайты