ВИРТУАЛ «ФИТНА» (ИРТКИ)

Фитна (иртки) себебинен адамлар бир-бири менен душпан болып, соның ақыбетинде келиспеўшиликлер, урыс жәнжеллер келип шығыўы мүмкин.

«Фитна» сѳзи сөзликте сынаў, имтихан мәнисинде келеди. Түсиндирмеде адамларды диннен қайтарыў, динге қарсы ҳәрекетке шақырыўшы фитна есапланады. Фитна аўыр гүна. Адамлардың ийман-исеними, ибадат етиў, оның инсаный пазийлетлерин жүзеге шығарыўға иркиниш ямаса сынаў болатуғын затлар да фитна есапланады.

Ҳәзирги күнде бузғыншы топарлар белгили шеңберлерде дин нықабынан пайдаланып, ҳәмме жерде пасықлық туқымын шашпақта. Бул топар ҳәм ағымлардың мусылманлар бирлиги ҳәм исеними тазалығына қарсы қаратылған ҳүжим ҳәўиж алып, түрли терроршылық ҳәм бузғыншылық ҳәрекетлери жүз бермекте. Ѳз мақсетилери жолында шеберлик пенен пайдалынбақта.

Белгили, түнде жарытқыш қай жерди кѳрсетсе, адамлар да сол жаққа қарайды. Адамлардың қай жаққа қарап, нени кѳриўи жарытқышты тутқан адамның қәлеўине байланыслы болып қалады.

Ҳәзирги күнде адамларға орналасып алған социаллық тармақларға байланып қалған жаслардың күндиз күнлерин “биймәни түнлерге” айландырды. “Facebook”, “Тwitter”, “Теlegram” ҳәм басқа мыңлаған социаллық тармақлар ѳз сегменти (қәўими)ин ажыратып алғаннан соң олардың минезлерине де ийелик етиўге ѳтеди. Нени кѳриў, еситиў, қалай кийиниў, сыртқы кѳрнисте кимге еликлеў, қашан ҳәм қай жерде тайын болыўды үйретпекте.

Тийкарғы мәнисте кимлердидур аралықтан турып басқармақта.

Глобал тармақларда инсан мәнаўыяты ҳәм әдебине пүткиллей жат болған ҳәм ең қәўипли иллетлерди ѳз ишине алған. «Ғалаба мәдениятты» сиңдириўге талап күшеймекте. Жасларды әдепсиз ҳәм ериншек кимселерге айландырыў, бузықлық ҳәм жаўызлықты тарқатыў, бир жыныслы неке, зина, нәшебентлик, шаңарақты муқаддес деп билмеў, кеўили қәлеген ислерди ислеў арқалы «еркин болыў» киби зыянлы иллетлерди жайыўды негизги мақсет етип алған бул «мәденият» жәмийетдеги мәнаўый ѳмирди изден шығарады, жаслардың минез-хулқына кери тәсир кѳрсетеди.

Буннан бир әсир алдын, белгили ѳзбек мәрипатшысы Абдурауф Фитрат: «Кимде-ким балаларды әдепсиз етип тәрбияласа, инсаныятқа үлкен душпанлық еткен болады», деген еди.

Ҳәзир зулым, террор ҳәм бузғыншылықлар, әдепсизлик ҳәм мәнаўий кризислер ҳәр қашанғыдан да қәўипли түс алмақта. Жаслар бундай шараятлардан сергек ҳәм хабардар болыўы, дос ким, душпан кимлигин жақсы ажырата алыўы, душпанлар ирткисине ушрамаўы, жаўыз күшлер қолында куўыршақ болып, динлеслери, миллетлеслери душпанына айланбаўы зәрүр.

Жуўмақ орында соны айтыўымыз зәрүр, бүгинги күнди интернетсиз ислесиў қыйын, Интернет узағымызды жақын, аўырымызды жеңил етпекте. Бирақ, кѳпшилик жаслар интернетти бүгинге шекем бийкар ўақтын сарыплайтуғын шексиз мәкан деп түсинип, ѳзиниң гүлдей ѳмирин зая етпекте. Ҳәр бир нәрседен саналы, ѳз ѳлшеминде пайдаланайық, азизлер.

Fitrat.uz сайтынан Қарақалпақстан мусылманлары қазыяты хызметкери Д.Беканов таярлады.

  • 150 мәрте оқылды

Paziylet.uzҚарақалпақстан мусылманлары қазыяты веб-сайты