Есик қағыўда орынланатуғын 7 әмел

1. Есикти үш мәртеден зыят қақпаў.

Қоңыраў шалыў да есик қаққан киби. Қоңыраў да үш мәртеден зыят шалынбайды.

2. Есик әсте қағылады.

Есик қопаллық пенен қағылмайды. Қоңыраў да тоқтаўсыз басылмайды. Есикти қопаллық пенен қағыў үй ийесиниң қәлбине қорқыў салады.

3. Есикти үш мәрте бѳлип-бѳлип қағыў.

Есикти бир мәртебе тақылдатқаннан соң бираз күтиў керек. Үй ийеси ѳзин оңлап алсын.

4. Есиктиң қарсы алдында турмаў керек.

Есик қаққаннан соң есиктиң оң ямаса шеп тәрепинде турыў керек. Есик ашылғанда үй ишиндегилерге кѳз түспеўи ушын.

5. Есик қаққанда «мен» демеў.

Есик қаққанда үй ийеси «ким?», деп сораса «мен» деп жуўап берилмейди, бәлким исмин айтып, ѳзин таныстырады.

Себеби, Расулуллаҳ саллаллаҳу алайҳи ўасаллам есик қаққанда «мен» деб айтыўды хош көрмеген.

6. Үй ийесиниң рухсатын күтиў.

Үй ийесиниң рухсатысыз үйге кирилмейди. Аллаҳ таала былай буйырады: «Ҳәй ийман келтиргенлер! Ѳз үйлериңизден ѳзге үйлерге рухсат сорамағаныңызша ҳәм үй ийелерине сәлем бермегениңизше кирмеңлер! Мине усы сизлер ушын жақсы дур. Себеби, (бул сѳзден) еслетпе алсаңыз» (Нур сүреси, 27-аят).

7. Үйге кириўге рухсат болмаса кейинге қайтыў.

Егер есик қағылғанда жуўап берилмесе ямаса үйге кириўге бир себеп пенен рухсат берилмесе, кейинге қайтып кетиў керек. Аллаҳ таала: «Бас, егер ол (үй)лерде ҳешкимди таба алмасаңыз, онда сизлерге рухсат берилмегенше үйге кирмең! Егер сизлерге «қайтыңлар» делинсе, қайтып кете бериңлер! Сол сизлер ушын ең таза (жол) дур. Аллаҳ ислеп атырған ислериңизди билиўшидур», деп марҳамат етеди (Нур сүреси, 28-аят).

Мuslim.uz сайтынан Даўытбай Беканов таярлады.
  • 137 мәрте оқылды

Paziylet.uzҚарақалпақстан мусылманлары қазыяты веб-сайты