Жинлер инсанлардан алдын жаратылған

Алла таала Ҳижир сүресинде марҳамат етеди. «Ҳәм жинлерди буннан алдын самум жалынынан жараттық» (27-аят).

Жинлерден мурат, олардың тийкары Иблисдур. Адам алаҳиссалам инсанлардың негизи болғаны киби, Иблис алаҳилаъна да жин ҳәм шайтанлардың негизи.

«Самум» сѳзи сөзликте жалын киби ыссы шамалды аңлатады. Сондай-ақ, жәҳәннем ыссысы да самум делинеди. Иблистиң негизи әне усындай нәрседур. Мине усы жерде жинлердиң адамлардан алдын жаратылғаны айтылмақта.

Жинлерден нәсил қалады, олардың әўладлары бар. Алла таала Қаҳф сүресинде:

«Периштелерге: «Адамға сәжде етиңлер», дегенимзди есле. Бас сәжде қылды. Иблистен басқасы. Ол жиннен болған еди. Ол ѳз Раббисиниң әмиринен шықты. Енди сизлер Мени қойып, оны ҳәм оның зүриядларын дос етип аласызларма?! Олар сизлерге душпан-ғо! Ол залымлар ушын қаншелли жаман төлемдур», марҳамат етеди (50-аят).

Бул аяты кәримада Иблис жиннен болғаны ҳәм оның әўладлары барлығы зикр етилмекте.

Жинлер бизлерди кѳреди, биз оларды кѳрмеймиз. Алла таала Аъраф сүресинде мәрҳамат етеди:

«Ҳәй Адам балалары! Шайтан ата-анаңызды әўретлерин ѳзлерине кѳрсетиў ушын үстилеринен кийимлерин шешип, жәннеттен шығарғанындай, сени де алаўызлыққа салмасын. Әлбетте, ол ҳәм оның топары сени сен кѳрмейтуғын тәрептен кѳреди. Биз әлбетте, шайтанларды ийман келтирмейтуғынларға дос еткенбиз» (27-аят).

Демек, жинниң имканиятлыры инсанлардан кѳбирек. Инсан шайтанды кѳрмейди, бирақ ол инсанларды кѳреди. Бул болса ѳз нәўбетинде, оған қосымша имканят береди, инсаннан болса қосымша сергеклик талап етиледи. Себеби, ашық-айдын душпан болған шайтанның жаманлығынан бәрҳама абайлы болып турыў керек. Буның ушын күшли ийман ҳәм сап исеним зәрүр.

islam.uz сайтынан Даўытбай Беканов таярлады.

  • 54 мәрте оқылды

Paziylet.uzҚарақалпақстан мусылманлары қазыяты веб-сайты