Он минутлық фильм

«Дүньядағы ең жақсы он минутлық фильм» атағын алған қысқа метражлы фильмди көриў ушын кинотеатрға адамлар жыйналды. Фильм басланды, бирақ үлкен экранда үйдиң аппақ потологынан басқа ҳеш нәрсе көринбейди.

Төртинши минутта да сол аҳўал, бесинши минутта да...

Сегизинши минутта да аппақ потолоктан басқа ҳеш нәрсе жоқ еди, адамлар бийтақат бола баслады. Айырымлары кинотеатрдан шығып кетти. Ал қалғаны болса өткен ўақтына ашынды.

Ақырында тоғызыншы минутта экранда наўқаслығы себепли аяғы шал болып, бир өмир төсекте жатыўға мәжбүр болған бала көринди.

Соң экранға мынандай жазыўлар шықты: «Мина бала және неше жыллар даўамында усы ҳалда аппақ потолокқа қарап жатады, ал сизлер сегиз минут шыдай алмадыңыз...

Ден саўлықтың қәдирин бил, қәсте болмастан бурын!

Ҳайтмурат Жумамуратович.

  • 217 мәрте оқылды

Paziylet.uzҚарақалпақстан мусылманлары қазыяты веб-сайты