Умытылып баратырған сүннетлер (5-сүннет): Мәжилистен турыўда дуўа қылыў

Абу Барза разияллаҳу анҳудан рǝўият етиледи. Расулуллаҳ саллаллаҳу алайҳи ўасаллам жумысларын тамамлап, мǝжлистен турса: “Субҳанакаллаҳумма ўа биҳамдика, ашҳаду анлаа илаҳа илла анта ǝстағфирука ўа атубу илайка”, деп айтар еди (Имам Абу Даўыд рǝўияты).

“Аллаҳым! Сени Саған ҳамд айтқан ҳалымда пǝклеп яд етемен. Гүўалық беремен, Сеннен өзге қудай жоқ. Сеннен кешириўиңди сорайман ҳәм Саған тәўбе етемен”.

Қараң, бул оғада аңсат, бирақ саўабы үлкен, гүналарды кеткизиўши, жәннетке жетеклеўши болған әмел болып табылады. Бирақ ериншеклигимиз, шалағайлығымыз ақыбетинде буған итибар бермеймиз, әмел етпеймиз. Көпшилигимиз ҳәтте билмеймиз де. Алдын билмесек, енди билип алдық. Енди билгенимизге әмел етейик ҳәм басқаларға да жеткизейик.

Яғный, Расулуллаҳ саллаллаҳу алайҳи ўасалламның сүннетлериниң ен жайыўына хызмет етиў оған болған муҳаббат ҳәм сыйласықтың жоқары үлгиси есапланады. Пайғамбарымыз саллаллаҳу алайҳи ўасаллам ѳзиниң сүннетлерин анықлық пенен жеткезгенлердиң ҳаққына: “Мениң гәпимди еситип, ядлап, түсинип, кейининен жеткизген адамды Аллаҳ сыйласын”, деп дуўа еткен (Имам Термизий рәўияты).

Келиң, биз де Расулуллаҳ саллаллаҳу алайҳи ўасалламның сүннетлерине муўапық мǝжилистен турғанымызда дуўа етиўди умытпайық.

Аллаҳ таала бәршемизге ҳәр бир исте Расулуллаҳ саллаллаҳу алайҳи ўасалламның сүннетлерине әмел етиўимизди несийп етсин, ǝмин!

Аллаҳумма солли ўа саллим ъала Муҳаммадин ўа ъала али Муҳаммад

Даврон НУРМУҲАММАД

Muslim.uz сайтынан Нѳкис районы «Имаматдин ийшан» жоме мешити имам-хатиби Дǝўлетбай Алимбетов таярлады.

  • 81 мәрте оқылды

Paziylet.uzҚарақалпақстан мусылманлары қазыяты веб-сайты