Сораў жуўаплар

Ўа алайкум ассалам. 1. Ысырапкершилик. 2. Бундай ислемеў керек.

Ўа алайкум ассалам. Сәнем дегени жүзи адам көринисиндеги бутларға айтылады, анығырағы бизлерде мүсин, делинетуғын сөздиң синоними. Ат өзгертиў бойынша айтатуғын болсақ, шәриятымызда бул ис жайыз.

Ўа алайкум ассалам. Намаз оқыў қағыйдалары китабын жақсылап оқып алың!

Намазлыгерде азан айтасыз, кейин тәкбир айтасыз ҳәм төрт рәкат парызыңызды оқыйсыз. Шам намазда азан айтасыз, кейин тәкбир айтасыз, кейин үш рәкат парызды оқыйсыз, кейир еки рәкат сүннетти оқыйсыз. Қуптан намазда, азан айтасыз, кейин тәкбир айтасыз, кейин төрт рәкат парыз оқыйсыз, кейин еки рәкат сүннет оқыйсыз. Оннан кейин Ўитр намазын оқыйсыз.

Алған таҳәратыңыз сынбаған болса, онда кейинги намазды оқыўға болады.

Ўа алайкум ассалам. Аллаҳ таала дуўаларды қабыл қылыўшы. Бахыт ашылып кетиўи ушын арнаўлы дуўа ямаса әмел жоқ. Бирақ ҳәр бир инсанда тилеклерин сораў имканияты бар, бул имканият - Аллаҳ таалаға шын ықлас пенен дуўа қылыў. Дуўаларды дуўалар қабыл болатуғын ўақытларда қылған абзал. Ол ўақытлар - парыз намазларынан кейинги ўақыт, түнниң үштен үшинши бөлеги, яғный таң намазының ўақты кирместен турып қылынған дуўа, ораза тутып, аўыз ашыў ўақтында қылынған дуўа.

Дуўа қылғанда, тийкарғы әҳмийет бериў керек болған нәрсе, шын қәлбтен сораў, үмитсиз болмаў, гүналарға тәўбе еткен ҳалда, илтижа менен сораў.

Ўа алайкум ассалам. Ғусыл қылмаған адам менен сәлемлесиўге болады. Ғусылсыз адам менен сәлемлесилгенде таҳәрат бузылмайды.

Ғусыл ўәжиб болғанда тезирек ғусыл қылыўға ҳәрекет етиў керек. Ғусыл етпестен жүре бериў мусылманлық әдебине туўры келмейди.

Ўа алайкум ассалам.

1. Нәпил оразаларды избе-из тутыў яки арасын ашып тутыў ықтыярлы, тек ғана даўамлы тәризде тоқтамастан нәпил ораза тутыў мәкруҳ болады. Сондай-ақ, ҳаял адам күйеўиниң руқсаты менен ғана нәпил ораза тутыўы мүмкин, күйеўи руқсат бермесе тута алмайды.

2. Ҳәптеде басқа күнлер тутпастан тек жума күни ораза тутыў мәкруҳ болады. Бирақ ҳәпте даўамында тутып атырған болса, яки басқа күнлерге қосып жума күни де ораза тутса, мәкруҳ болмайды.

3. Қаза оразаларды имканиятқа қарап бөлип тутыўға болады.

Ўа алайкум ассалам.

Сәййидул истиғфар дуўасы

“Алло'ҳуммә әңтә Робби' лә' илә'ҳә иллә' әңтә холәқтәни' ўә әнә' ъабдук, ўә әнә' ъалә' әҳдик, ўә ўаъдикә мәстәтоъту. Әъу'зу бикә миң шәрри мә' сонаъту, әбу'у ләкә би ниъмәтикә аләййә ўә әбу' у бизәмби' фәғфирли' зуну'би' фәиннәҳу лә' йәғфируз-зуну'бә иллә' әңтә бироҳмәтикә йә' арҳамар ро'ҳими'н”.

Дуўаның мәниси:

“Аллаҳым! Сен мениң Рәббимсең. Сеннен басқа илаҳ жоқ. Мени Сен жараттың. Шубҳасыз, мен Сениң бендеңмен. Күшим жеткенше Саған берген сөзимде турыўға ҳәрекет етемен. Я Рәббим, ислеген гүналарымның жаманлығынан Сеннен пана тилеймен. Маған берген неъматларыңды билемен. Гүналарымды да билемен. Я Рәббим! Мени кешир. Өйткени, Сеннен басқа мени кеширетуғын илаҳ жоқ”.

Дуўаның көплик көриниси: “Алло'ҳуммә әңтә Роббәнә' лә' илә'ҳә иллә' әңтә холақтәнә' ўә наҳну ъыбә'дик, ўә наҳну ъалә' әҳдик, ўә ўаъдик мәстәтоънә'. Нәъу'зу бикә миң шәрри мә' сонаънә', нәбу у ләкә би ниъмәтикә аләйнә' ўә нәбу' у бизәмбинә' фәғфирләнә' зуну'бәнә' фә иннәҳу лә' йәғфируз зуну'бә иллә' әңтә бироҳмәтикә йә' арҳамар ро'ҳими'н”.

Ўа алайкум ассалам. Медреседеги үш айлық курс Қуран оқыўды үйрениўшилерге арналған, бунда жаслар менен бир қатарда жасы үлкен аталар да, әжелер де оқыўы мүмкин.

Soraw beriw

Paziylet.uzҚарақалпақстан мусылманлары қазыяты веб-сайты