Сораў жуўаплар

Ўа алайкум ассалам. Таҳәратта нийет сүннет әмел. Әдетте таҳәрат алмастан алдын таҳәрат алыў кеўилден өтеди, усының өзи нийет орнына өтеди. Таҳәратқа нийет еткенде арнаўлы тәризде сөз бенен айтыў шәрт емес. Нийет етпестен таҳәрат алынған болса да дурыс бола береди.

Ўа алайкум ассалам. Бул әпиўайы бир терек, оған артықша мән берип, иләҳийлестириў ширк болады.

СССРда пәлен болды, теректи жаўғанға төлен болды деп айтыўшыларға исенбең. Бул гәплердиң ҳәммеси тоқыма.

Ўа алайкум ассалам. Бундай дуўа етиў дурыс емес, тек ғана Аллаҳ таала қолласын, деп дуўа етиў керек. Ҳәттеки пайғамбарлар қолласын деў дедурыс емес.

Ўа алайкум ассалам. Каҳф сүреси ярым пара әтирапындағы үлкен сүре, оны арабшасынан оқығаныңыз мақул.

Аллоҳумма соли ъалә ҳәм кейингиси салаўатлар, булар намазда оқылыўы керек.

Жума намаздан алдын төрт рәкат сүннет намаз оқылады. Сүрелерди жүдә әстен де, жүдә тез де емес, ал орташа етип оқысаңыз, ҳәмме қатары тең оқыйсыз.

Ўа алайкум ассалам.

1. Ислам дини тақатынан артығын талап етпейди, мусылман адам бар имканияты менен илим үйрениўге ҳәрекет етиўи, қолынан келгенше ибадат етиўи, билмегенин сорап барыўы керек. Себеби адам баласы динниң ҳәммесин үйренип болып кейин әмел қыламан десе, буған пүткил өмири де кемлик қылады. Қабыл болыўы Аллаҳ таалаға тийисли ис.

2. Ер адамның тақыя кийип, қублаға жүзленип отырып Қуран оқыўы шәрт болмасада бул Қуран оқыў әдеплеринен.

3. Жақсылық қылыў қолдан келмесе де оған далалат қылыўшы да саўап алады, яғный биреў бир нәрсеге мүтәж, оны биледи бирақ жәрдем бере алмайды, және биреў жәрдем бермекши бирақ ҳақыйқый мүтәж адамды таба алмай атыр, усы ҳалда ортадағы адам усы екеўин ушырастырыўы саўаплы ис болады.

4. Ҳәмме сүре де болады. Ҳәдислерде Ясин, табарак айтылған.

Ўа алайкум ассалам. Ол ҳәрип "д" да, "з" да емес. Ол дод деп аталатуғын ҳәрип болып бизлерде оған ең жақын уқсайтуғын ҳәрип "д" ҳәриби. Соның ушын айырым кирил әлипбесиндеги китапларда "д" ҳәриби менен оны жазылады. Ал айырымларында бурынлары "з" ҳәриби менен жазылғаны ушын оны ҳәзирде де "з" ҳәриби менен жазады. Мысалы, рамазан сөзиндеги "з" ҳәриби де арабшада дод ҳәриби менен келген.

Бул ҳәриптен кейин қатара "о" ҳәриби қойылыўы, бул - усы жерде мәд қағыйдасы бар екенин билдириў ушын, яғный ең көп созылатуғын орынлардан бири болғаны ушын.

Ўа алайкум ассалам. Жатардан алдын илажы болса таҳәрат алып жатың. Жататуғын жериңизге барғанда Аятул курсий, фатиҳа, ихлас, фалақ ҳәм нас сүрелерин оқып өзиңизге дем салып жатың.

Ўа алайкум ассалам. Ҳасла мүмкин емес.

Тек ғана суў жоқ жерлерде, сондай ақ, жуўынса кесел болып қалатуғын адамларға мүмкин.

Ўа алайкум ассалам. Нөкис қаласындағы Муҳаммад ал Беруний ислам билим журтында Қураны кәрийм ҳәм тәжўийд курслары бар. Бул жерде үш ай даўамында үйретиледи.

Soraw beriw

Paziylet.uzҚарақалпақстан мусылманлары қазыяты веб-сайты