Сораў жуўаплар

Ўа алайкум ассалам.

Ағза көшириў мәселеси бир неше шәртлер менен жайыз болады

1. Ағзасыз берип атырған адамның өмирине қәўип туўылмайтуғын болыўы;

2. Ағзаны бериў ықтыярлы рәўиште болыўы;

3. Ағзаны көшириў кесел адамды емлеўдың ақырғы шарасы болыўы;

4. Ағзаны көширгенде саўалып кетиўи исенимли болған ҳалда.

Сондай ақ төмендеги жағдайларда да болады:

1. Мүтәж кесел адамға өлген адамның ағзасын қойыў. Тирилигинде өзи разы болған болыўы ҳәм шәрият тәлифинде болған болыўы шәрти менен.

2. Мүтәж адамға ҳадал ҳәм сойылған ҳайўанлардың нәрсесинен пайдаланыў.

3. Инсанның өз денесинен бир бөлегин денесиниң басқа тәрепине көшириў, мысалы ети ҳтб.

4. Жасалма нәрселерди адамға орнатыў. Мысалы тис ҳтб лар.

Ўа алайкум ассалам. Бул ис сүннет әмел. Бирақ бир сүннет әмелди деп мусылманлар арасында тафриқа, келиспеўшилик шығармаў керек. Шайх Муҳаммад Садық раҳимаҳуллаҳ бул ҳаққында: "Ким намаз оқып үйренгенде, оған үйреткен адам усы әмелди де үйреткен болса қылсын, болмаса қылмасын, арада келиспеўшилик, жәнжел шығармасын", деген.

Ўа алайкум ассалам. Ҳәр қандай жыртқыш ҳайўанның гөшин жеўге болмайды, оның ҳүкими ҳарам. Ийтте жыртқыш ҳайўанлар қатарына киреди, оның гөши де ҳарам болады. Мусылманман, қыяметте жәннеттен үмитим бар деген адам ийттиң гөшин жемейди.

Ўа алайкум ассалам. Ҳәр қандай ҳадал үлкен яки киши жанлық болсын, яки қус ҳтб ҳадал ҳайўанларды қублға басын қаратып, "Бисмилләҳи Аллоҳу әкбар", деп шалынады.

Ўа алайкум ассалам. Уы нәрселер мени сақлап турады, деген исенимде болса улыўма мүмкин емес. Бирақ, усыны көргенде дуўа етиў есиме түседи, маған зикир етиўди еслетип турады, деген мәнисте илдирип қойған болса, болады.

Ўа алайкум ассалам.

رَبِّ هَبْ لِي مِن لَّدُنْكَ ذُرِّيَّةً طَيِّبَةً إِنَّكَ سَمِيعُ الدُّعَا۝

Робби ҳәб ли' милләдуңкә зүрриййәтәң тоййибәҳ, иннәкә сәми'ъуд дуъа'.

Шу чоғда Закариё Роббига дуо қилиб: «Рәббим, маған Өз ҳүзириңнен пәкиза зүряд бер. Әлбетте, Сен дуўа дуўаны еситиўшисең»,

Ўа алайкум ассалам. Сүмелек әдеттеги бир тағам, оны писирип атырғанда тилек айтса қабыл болады, деген исеним қәте.

Ўа алайкум ассалам.

1. Парыз намазларда бир намазда бир сүрени қайталап оқыў мәкруҳ болады, сүннет намазларда болады, бирақ илажын таўып, ең кеминде намаз рәкатларына жетерли кишкене сүрелерден ядлап алың.

2. Бул арақ ишкен адам қырық күнге шекем намаз оқымасын деген гәп емес, ал мәслиги тарқалғаннан кейин намазларын даўам еттириўи керек, себеби намазларды ўақтында оқыў парыз, бул ҳәдистиң мәниси қырық күнлик намаз ушын саўап алмайды, дегени.

3. Саҳабалар разыяллаҳу анҳу, олардан кейинги уламалар раҳматуллаҳи алайҳ делинеди.

4. Пайғамбарымыз алайҳиссаламды түсинде көргенлер ҳақыйқатта ол кисини көрген болады, себеби шайтан ол кисиниң көринисине кире алмайды, деген мәнидеги ҳәдис бар. Бирақ буннан тек өмиримизди туўры тәрепке өзгертиў ушын пайдаланыўымыз керек. Қуры көрип қойыў менен ҳеш нәрсе болмайды. Пайғамбарымыз алайҳиссаламды оңында көрип, динге қарсы шыққан, дозаққа ҳақлы болған қаншалап адамлар бар, түсте көриў оңында көриўдиң алдында қаншелли әҳмийетли?!

5. Мусылманлар ҳәмме пайғамбарларға ийман келтириўи бул ийманның шәрти. Яғный оларға ийман келтирместен мусылман бола алмаймыз. Оларға да Расулуллаҳ деп айтылады, расулуллаҳ дегени - Аллаҳтың елшиси, деген мәнини аңлатады.

6. Ҳәмме самаўий динлердиң тийкары жалғыз Аллаҳға ийман келтириўге шақырыў. Бирақ алдыңғы самаўий динлер есапланатуғын яҳудий ҳәм насраний динлери ўақыттың өтиўи өз динлерин өзгерткен, сонлықтан Аллаҳ таала ақырғы дин етип Ислам динин жиберген.

7. Өзбек тилинде жазылғанлары бар.

8. Қәте еситипсиз, қанша үлкен болса да, қанша киши болса да неке түседи, бундағы тийкарғы мәселе разылық.

9. Таҳарат бузылмайды.

Сораўларды бундай тәризде жазыў әдепсизлик, илажы болса бөлип-бөлип жазың.

Soraw beriw

Paziylet.uzҚарақалпақстан мусылманлары қазыяты веб-сайты